Riké Chatral Long-Life Prayer—Tibetan

༄༅། །རི་ཀེག་བྱ་བྲལ་ལ་ཞབས་བརྟན་གནང་བ།

ཨོཾ་སྭསྟི།

འཆི་མེད་གྲུབ་པ་པདྨ་འབྱུང་གནས་དང་། །

འཆི་མེད་རིག་འཛིན་ཐང་སྟོང་རྒྱལ་པོ་སོགས། །

འཆི་མེད་གྲུབ་པ་རྣམས་ཀྱི་བདེན་སྟོབས་ཀྱིས། །

དཔལ་ལྡན་བླ་མའི་སྐུ་ཚེའི་བར་ཆད་སོལ། །

མི་ཤིགས་རྡོ་རྗེའི་གུར་དུ་ཚུད་པ་དང་། །

མི་འགྱུར་ཚེ་ཡི་སྲོག་རྩ་རབ་ཏུ་བརྟན། །

མི་འཆི་ཚེ་ཡི་དངོས་གྲུབ་རབ་ཐོབ་ནས། །

མི་ཕམ་གཞོམ་མེད་རྡོ་རྗེར་བརྟན་བཞུགས་གསོལ། །

སྐུ་ནི་བརྩོན་འགྲུས་བཟང་པོ་ལྟར་བརྟན་ཅིང་། །

གསུང་ནི་འགགས་མེད་སྙན་བརྒྱུད་ཆོས་སྒྲ་སྒྲོགས། །

ཐུགས་ནི་འོད་གསལ་དགོངས་པའི་རྩལ་འབར་ཏེ། །

ལྷུན་གྲུབ་ཕྲིན་ལས་ཕྱོགས་བཅུར་རྒྱས་བཞུགས་གསོལ། །

ཅེས་བརྟན་བཞུགས་སྨོན་ཚིག་དང་སྤྲེལ་བཀྲ་ཤིས་པའི་ལྷ་རེག་དྲི་བྲལ། འཆི་མེད་ཚེའི་བཅུད་ལེན་རིལ་བུ། འཆི་མེད་འཕགས་མའི་སྐུ་གསུང་ཐུགས་དང་དབྱེར་མེད་མཚོན་བྱེད་སྒྲོལ་དཀར་དངུལ་སྐུ་བཅས་འཇམ་དབྱངས་ཆོས་ཀྱི་བློ་གྲོས་པས་ཕུལ་བ་དགེའོ།། །།