Verses In Praise of Tārā—Tibetan

Deities › Tārā | Literary Genres › Acrostic | Tibetan Mastersའཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

Ārya Tārā

༄༅། །སྒྲོལ་མ་ལ་བསྟོད་པ་དད་པའི་རྦ་རླབས་ཞེས་བྱ་བ་བཞུགས།

ཨོཾ་སྭ་སྟི། ཀ་མ་ལ་ལྟར་དཀར་བའི། །ཁ་བའི་ལྗོངས་ཀྱི་འཕགས་མཆོག །ག་ལེར་སེམས་ཅན་ལ་གཟིགས། །ང་བདག་འགོང་པོས་མནར་བ། །ཅ་ཅོའི་གདུང་བས་བཤམ་པས། །ཆ་ལུགས་ཁ་དོག་མཛེས་ཤིང་། །ཇ་བཞིན་ཀུན་ལ་ཁྱབ་པའི། །ཉ་བཞིན་ཐུགས་རྗེ་མྱུར་མ། ཏ་རེ་འཕགས་མ་སྒྲོལ་མ། །ད་ལྟར་ཕྲིན་ལས་མཛད་བཞིན། །ན་བ་སོགས་ཀྱི་འཇིགས་སྐྱོབས། །པ་ལ་ཤ་ལྟར་འཇམ་ཞིང་། །ཕ་རོལ་ཚོགས་ཀུན་དབང་སྡུད། །བ་བཞིན་འདོད་པ་ཀུན་འཇོ། །མ་ལྟར་འགྲོ་བར་བྱམས་མ། །ཙ་ར་ལྟ་བུའི་ཚད་སོལ། །ཚ་གྲང་སྐད་ཅིག་འཇོམས་མ། །ཛ་ལང་གདུག་པའི་སེམས་ལྡན། །ཝ་སྐྱེས་དགྲ་གདོན་བརླག་ཅིང་། །ཞ་འཁུམ་ཅན་རྣམས་སྒྲོལ་མ། །ཟ་མ་ཙམ་ཡང་མི་གཡེལ། །འ་འུར་སྤྲོས་པར་རབ་ཞི། །ཡ་མཚན་ཅན་གྱི་ལྷ་མོ། །ར་མ་ཎ་ཡི་བཅས་བཞིན། །ལ་འཕྲད་ཆུ་སོགས་ཀུན་ནས། །ཤ་བ་ལྟ་བུར་བསྒྲོད་དུས། །ས་ལྟར་བརྟན་པའང་གསོལ་འདེབས། །ཧ་ཧ་ཧཱུྃ་ཧཱུྃ་སྒྲ་ཡིས། །ཨ་དོན་སྐྱེ་མེད་རྟོགས་པར། །བླ་མ་སྒྲོལ་མས་བྱིན་རློབས། །ཅེས་པའང་ཤིང་བྱི་ཟླ་ ༤ ཚེས་ ༤ ལ་ཆོས་ཀྱི་བློ་གྲོས་བས་གསོལ་བ་བཏབ་པའོ།། །།