Prayer to Marpa, Milarepa & Gampopa—Tibetan

༄༅། །སྒྲུབ་བརྒྱུད་བསྟན་པའི་བཙས་སུ་བསྔགས་པའི་གསོལ་འདེབས་དོན་ཀུན་གྲུབ་པའི་དབྱངས་སྙན་ཞེས་བྱ་བ་བཞུགས་སོ།།

བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ། །

སྙིང་སྟོབས་ཆེན༵་པོས༵་འཕགས་ཡུལ་ལན་མང་བགྲོད།   །

བློ་གྲོས་ཆེན༵་པོས༵་ཆོས་ཀུན་དེ་ཉིད་གཟིགས།  །

གྲུབ་པ་ཆེན༵་པོས༵་ཆོ་འཕྲུལ་ཅིར་ཡང་སྟོན།  །

ལོ་ཙཱ་ཆེན༵་པོ༵འི་ཞབས་ལ་གསོལ་བ་འདེབས།  །

ནུས་མཐུ་ཆེན༵་པོས༵་སྐུ་དགྲ་རྩད་ནས་བཅད།   །

དཀའ་སྤྱད་ཆེན༵་པོས༵་བླ་མ་མཉེས་པར་མཛད།   །

བརྩོན་འགྲུས་ཆེན༵་པོས༵་སྒྲུབ་པའི་རྒྱལ་མཚན་བཙུགས།   །

རས་པ་ཆེན་པོའི་ཞབས་ལ་གསོལ་བ་འདེབས།   །

ཐེག་པ་ཆེན༵་པོ༵འི་རིགས་མཆོག་ཡོངས་སུ་སད།   །

ཕྱག་རྒྱ་ཆེན༵་པོ༵འི་རྟོགས་པ་མངོན་དུ་གྱུར།   །

ཕྲིན་ལས་ཆེན༵་པོས༵་མཁའ་དང་མཉམ་པར་བརྡལ།   །

སྙི་སྒོམ་ཆེན༵་པོ༵འི་ཞབས་ལ་གསོལ་བ་འདེབས།  །

དམ་པ་རྣམས་ལ་གུས་པས་གསོལ་བཏབ་མཐུས།  །

སྒྲུབ་བརྒྱུད་བསྟན་འཛིན་མཆོག་རྣམས་ཞབས་བརྟན་ཅིང་།  །

བསྟན་པ་རིན་ཆེན་ཕྱོགས་བཅུར་རྒྱས་པ་དང་།   །

འཇིག་རྟེན་དགེ་ལེགས་ཆེན་པོས་ཁྱབ་པར་ཤོག  །

ཅེས་པའང་རབ་བྱུང་བཅུ་བཞི་པའི་ཤིང་གླང་ཆོ་འཕྲུལ་ཟླ་བའི་དཀར་ཕྱོགས་ཀྱི་རྒྱལ་བ་དང་པོར་ཉིང་འཁྲུལ་གྱི་ངེས་པ་བརྟན་པོར་ཇི་ལྟར་སྣང་བ་བཞིན་སྒྲུབ་བརྒྱུད་ཀྱི་ཤིང་རྟ་ཆེན་པོའི་ལམ་སྲོལ་ལ་མཆོག་ཏུ་གུས་པ་ཀརྨ་བསྟན་པའི་ཉི་མ་བཤད་སྒྲུབ་ཆོས་ཀྱི་སེང་གེས་དག་པར་བྲིས་པ་དོན་དང་ལྡན་པར་གྱུར་ཅིག །སརྦ་མངྒ་ལཾ།།