Sakya Prayer—Tibetan

༄༅། །ས་སྐྱའི་རྩ་བརྒྱུད་བླ་མ་དང་ཡི་དམ་མཁའ་འགྲོ་ཆོས་སྐྱོང་རྣམས་ལ་གསོལ་འདེབས་བཞུགས། །

འཇམ་མགོན་ས་སྐྱའི་རྩ་བརྒྱུད་བླ་མ་དང་། །

ཡི་དམ་སྙིང་པོ་དཔལ་ལྡན་ཀྱེ་རྡོ་རྗེ། །

མཁའ་འགྲོ་ཆོས་སྐྱོང་ནོར་ལྷའི་ཚོགས་རྣམས་ལ། །

གུས་པས་གསོལ་འདེབས་ཡེ་ཤེས་སྤྱན་གྱིས་གཟིགས། །

བདག་དང་བདག་གི་འབྲེལ་ཚད་ཡིད་ཅན་རྣམས། །

ཚེ་འདིར་ཚེ་རིང་ནད་མེད་ཉམས་རྟོགས་འཕེལ། །

ཕྱི་མ་བདེ་ཅན་དག་པའི་ཞིང་སྐྱེས་ནས། །

ཁམས་གསུམ་འགྲོ་ཀུན་འདྲེན་པར་བྱིན་གྱིས་རློབས། །

ཞེས་པའང་འཇམ་དབྱངས་མཁྱེན་བརྩེའི་དབང་པོས་སོ།།