Takhyung Barwa Empowerment—Tibetan
Collections & Cycles › Longchen Nyingtik › Takhyung Barwa | Practices › Empowerment | Collections & Cycles › Rinchen Terdzö | བོད་ཀྱི་བླ་མ། › འཇིགས་མེད་གླིང་པ།
རྟ་ཁྱུང་འབར་བ།
Courtesy of Himalayan Art Resources
Further information:
འུྃཿ བླ་མ་དྲག་པོ་རྟ་ཁྱུང་འབར་བ་ལས༔ དབང་དང་བསྙེན་པའི་གནད་ཡིག༔
དྲག་པོ་རྟ་ཁྱུང་འབར་བ་ཡི༔
དབང་དང་བསྙེན་པའི་གནད་ཡིག་ནི༔
ཚོམ་བུའི་སྟེང་དུ་དཔལ་གཏོར་བཀོད༔
ཙཀླི་བཙུགས་ལ་སྨན་གཏོར་དང་༔
ཆོས་སྲུང་སྔོན་གཏོར་བཅས་པ་བཤམ༔
བདག་མདུན་རོ་གཅིག་བསྐྱེད་བཟླས་བྱ༔
ལས་བུམ་བསྒྲུབ་ཅིང་སློབ་མ་བཀྲུ༔
བགེགས་བསྐྲད་བསྲུང་འཁོར་བསྒོམས་པའི་རྗེས༔
དཀོན་མཆོག་གསུམ་ལ་བདག་སྐྱབས་མཆི༔
དཀོན་མཆོག་གསུམ་ལ་བདག་སྐྱབས་མཆི། །
སྡིག་པ་མི་དགེ་སོ་སོར་བཤགས། །
འགྲོ་བའི་དགེ་ལ་རྗེས་ཡི་རང་། །
སངས་རྒྱས་བྱང་ཆུབ་ཡིད་ཀྱིས་གཟུང་། །
སངས་རྒྱས་ཆོས་དང་ཚོགས་མཆོག་ལ། །
བྱང་ཆུབ་བར་དུ་སྐྱབས་སུ་མཆི། །
རང་གཞན་དོན་གཉིས་རབ་བསྒྲུབ་ཕྱིར། །
བྱང་ཆུབ་སེམས་ནི་བསྐྱེད་པར་བགྱི། །
བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །
སེམས་ཅན་ཐམས་ཅད་བདག་གིས་མགྲོན་དུ་གཉེར། །
བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །
འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །
སོགས་ཀྱི་རྒྱུན་བཤགས་སྡོམ་བཟུང་རྗེས༔
སློབ་མ་ལྷར་བསྐྱེད་ཡེ་ཤེས་དབབ༔
ཏིཥྛ་བཛྲས་བརྟན་པར་བྱ༔
གཏོར་མ་ལྷར་བསྐྱེད་སྤྱི་བོར་བཞག༔
ཨོ་རྒྱན་ཡུལ་གྱི་ནུབ་བྱང་མཚམས༔
སོགས་གྱི་མཐར༔
ལུས་ལ་སྐུ་ཡིས་བྱིན་གྱིས་རློབས༔
སྐུ་ཡི་དངོས་གྲུབ་ཐོབ་པར་ཤོག༔
རྩ་སྔགས་མཐར་
ཀཱ་ཡ་ཨ་བྷི་ཥིཉྩ་ཨོཾ༔
དེ་བཞིན་དུ་མགྲིན་པར་བཞག་ལཿ
ངག་ལ་གསུང་གིས་བྱིན་གྱིས་རློབས༔
གསུང་གི་དངོས་གྲུབ་ཐོབ་པར་ཤོག༔
རྩ་སྔགས་མཐར༔
ཝཱཀྐ་ཨ་བྷི་ཥིཉྩ་ཨཱ༔
སྙིང་གར་བཞག་ལ༔
ཡིད་ལ་ཐུགས་ཀྱིས་བྱིན་གྱིས་རློབས༔
ཐུགས་ཀྱི་དངོས་གྲུབ་ཐོབ་པར་ཤོག༔
རྩ་སྔགས་མཐར༔
ཙིཏྟ་ཨ་བྷི་ཥཱིཉྩ་ཧཱུྃ༔
གཏོར་མ་འོད་ཞུ་སློབ་མར་བསྟིམ༔
བཟླས་ལུང་སྦྱིན་ཞིང་དམ་ཚིག་བསྒྲག༔
བྱིན་བརླབས་དབང་གི་རིམ་པའོ༔
ས་མ་ཡ༔ རྒྱ་རྒྱ་རྒྱ༔
