རྫོགས་ཆེན་སྨོན་ལམ།
༄༅། །རྫོགས་ཆེན་སྨོན་ལམ་བཞུགས།
ཨེ་མ་ཧོ།
ཡེ་གདངས་དོན་གྱི་འོད་གསལ་སྙིང་པོའི་དོན། །
བཅོས་བསླད་དགག་སྒྲུབ་བྲལ་བ་ཆོས་སྐུའི་ཞལ། །
ཡོད་མེད་འགལ་འདུ་གཅིག་དང་དུ་མ་སོགས། །
མཐའ་བརྒྱད་བྲལ་བའི་རིག་སྟོང་ཟངས་མ་ཐལ། །
ཀ་དག་གཞི་ཡི་རང་གདངས་མངོན་གྱུར་ཤོག །
ཡེ་དག་བལྟ་བྱ་བྲལ་བའི་ལྟ་བ་དང༌། །
སྤང་བླང་རྩོལ་སྒྲུབ་བྲལ་བའི་སྒོམ་པ་དང༌། །
རེ་དོགས་གཟའ་གཏད་བྲལ་བའི་སྤྱོད་པ་སྟེ། །
ལམ་གྱི་འོད་གསལ་གོལ་འཆུག་བྲལ་བར་ཤོག །
རང་བྱུང་དོན་གྱི་གནས་ལུགས་ཆེན་པོའི་ངང༌། །
སྐུ་བཞི་ཡེ་ཤེས་ལྔ་སོགས་འབྲས་ཆོས་རྣམས། །
མཁའ་ལ་འཇའ་ཚོན་ཤར་བ་ཇི་བཞིན་དུ། །
ཀ་དག་གཉུག་མའི་ངང་དུ་ཡེ་ནས་རྫོགས། །
འོད་གསལ་འབྲས་བུའི་རང་གདངས་མངོན་གྱུར་ཤོག །
ཅེས་པའང་རྒྱ་སྤྲུལ་སྐུ་བྱང་ཆུབ་དཔལ་གྱིས་ཡང་ཡང་བསྐུལ་ངོར་སྤྲང་རྒན་བསྟན་མིང་པས་བྲིས་སོ།། །།
