Prayer to the Guru—Tibetan

༄༅། །གུ་རུའི་གསོལ་འདེབས།

ཨོཾ་སྭ་སྟི་བི་ཛ་ཡནྟུ།

རང་རིག་བླ་མ་པདྨ་འབྱུང་གནས་དང་། །

དབྱེར་མེད་དྲིན་ཅན་བླ་མ་ཆོས་ཀྱི་རྗེ། །

བདག་སོགས་འགྲོ་བ་འདྲེན་པའི་དེད་དཔོན་ཆེ། །

འདི་ཕྱི་བར་དོ་ཀུན་ཏུ་གསོལ་འདེབས་ན། །

སྐྱེ་དང་ཚེ་རབས་ཕྲེང་བར་རྗེས་བཟུངས་ནས། །

རང་གཞན་དོན་གཉིས་འགྲུབ་པར་མཛད་དུ་གསོལ། །

ཅེས་པའང་ཁྲ་མགོ་སྐྱབས་མགོན་རིན་པོ་ཆེའི་ཞལ་སློབ་སྒྲུབ་བརྩོན་ཀརྨ་སྒྲུབ་རྒྱུད་ལེགས་བཤད་ཀྱི་གསུངས་ངོར། མཁན་མིང་གང་ཤར་དབང་པོས་སོ། །