Longchenpa Guru Yoga—Tibetan

Guru Yoga | Tibetan MastersShechen Gyaltsab Gyurme Pema Namgyal | Tibetan Mastersཀློང་ཆེན་རབ་འབྱམས།

English | བོད་ཡིག

Shechen Gyaltsab Gyurme Pema Namgyal

ཀློང་ཆེན་རབ་འབྱམས།

Further Information:

༄༅། །ཀུན་མཁྱེན་ཆེན་པོའི་བླ་མའི་རྣལ་འབྱོར་བཞུགས།

ཨཱཿ འོད་གསལ་ལྷུན་གྲུབ་འཇའ་ཟེར་ཐིག་ལེའི་ཀློང་། །

ཀ་དག་གདོད་མའི་མགོན་པོ་ཀློང་ཆེན་པ། །

དཀར་གསལ་མཛེས་འཛུམ་ངལ་གསོའི་ཕྱག་རྒྱ་ཅན། །

དྲན་པས་མཆོག་སྟེར་སྐྱབས་ཀུན་ངོ་བོར་གསལ། །

ཡེ་ཤེས་སྐུ་ཅན་གདོད་མའི་མགོན་པོ་ལ། །

གུས་པས་ཕྱག་འཚལ་མཆོད་འབུལ་གསོལ་བ་འདེབས། །

ཚེ་རབས་ཕྲེང་བར་འབྲལ་མེད་རྗེས་ཟུངས་ལ། །

ཐུགས་ཡིད་གཅིག་ཏུ་འདྲེས་པར་བྱིན་གྱིས་རློབས། །

ཞེས་དང་།

ཨོཾ་ཨཱཿཧཱུྃཿབཛྲ་མ་ཧཱ་གུ་རུ་བི་མ་ལ་རསྨི་སརྦ་སིདྡྷི་ཧཱུྃཿ

ཞེས་བཟླ་མཐར།

བླ་མ་དགྱེས་པས་འོད་ཞུ་རང་ལ་ཐིམ། །

ཡེ་ཤེས་དགོངས་པའི་རྩལ་དབང་སེམས་ལ་རྫོགས། །

རིག་སྟོང་ཆོས་ཟད་དགོངས་པ་བླ་མའི་ཞལ། །

དུས་བཞི་མཉམ་ཉིད་ཀློང་དུ་ཨེ་མ་ཧོ། །

ཞེས་མོས་ལ་མཉམ་པར་བཞག་གོ །

ཞེས་པའང་རང་བཞིན་རྫོགས་པ་ཆེན་པོའི་རྣལ་འབྱོར་པ་བླ་མ་དམ་པ་འོད་གསལ་འཇའ་ལུས་རྡོ་རྗེའི་ཐུགས་བཞེད་བཞིན་པདྨ་དགྱེས་པས་བྲིས་པ་དགེ། །།

 

• Download this text: EPUB MOBI PDF