Guru Padmasambhava’s Life—Tibetan

༄༅། །བཀའ་བསྡུས་བཞུགས།

ཨེ་མ་ཧོ།

རྒྱུ་རྐྱེན་མི་མངའ་འོ་མ་ཅན་གྱི་མཚོ། །

པད་སྡོང་ལས་འཁྲུངས་རྫུས་སྐྱེས་པདྨ་འབྱུང་། །

གསོལ་བ་འདེབས་སོ་ཚེ་འདིའི་བར་ཆད་སོལ། །

ཏུ་རུ་ཀ་ཡི་སྡེ་རྣམས་རྡུལ་དུ་རློག །

བསྟན་དང་འགྲོ་ལ་བདེ་སྐྱིད་ལྡན་པར་མཛོད། །

ཕྱི་མ་ཟངས་མདོག་དཔལ་རིའི་ཕོ་བྲང་དུ། །

ཨོ་རྒྱན་པད་འབྱུང་ཉིད་དང་དབྱེར་མེད་དུ། །

ཚོམ་བུ་གཅིག་ཏུ་མངོན་པར་སངས་རྒྱས་ཤོག །

ཅེས་བཀའ་བསྡུས་འདི་པདྨ་དངོས་གྲུབ་རོལ་བའི་རྡོ་རྗེས་གསུངས་པའོ། །དགེའོ།།