རིགས་སྔགས་བདུད་འདུལ་གྱིས་བསྐུལ་བའི་གསོལ་འདེབས།
༄༅། །རིགས་སྔགས་བདུད་འདུལ་གྱིས་བསྐུལ་བའི་གསོལ་འདེབས།
རིགས་ཀུན་ཁྱབ་བདག་བླ་མ་ཐོད་ཕྲེང་རྩལ། །
གང་གི་སྒྱུ་འཕྲུལ་རོལ་པའི་རིག་པ་འཛིན། །
སྐྱེས་ཕྲེང་རིམ་བྱོན་མུ་ཏིག་ནོར་བུའི་ཕྲེང། །
རྩ་བའི་རིགས་བདག་རྩལ་འཆང་ཡོངས་ཀྱི་རྗེ། །
འཁོར་ལོས་སྦྱར་བའི་བདག་ཉིད་གཏེར་ཆེན་རྗེ། །
ཨོ་རྒྱན་མཆོག་གྱུར་བདེ་ཆེན་གླིང་པའི་བར། །
རིག་འཛིན་རིམ་བྱོན་གསེར་ཕྲེང་ཐམས་ཅད་ལ། །
གསོལ་འདེབས་བསླུ་མེད་བྱིན་གྱིས་བརླབ་ཏུ་གསོལ། །
ཞེས་པ་ཨརྨེ་རིགས་སྔགས་བདུད་འདུལ་ནས་བསྐུལ་ངོར་དཔལ་ཐང་ནས་དགེ།
