Prayer of Transference—Tibetan

Practices › Transference | Deities › Amitābha | Practices › Aspiration PrayersSukhāvatī Aspirations | བོད་ཀྱི་བླ་མ།སྡེ་གཞུང་སྤྲུལ་སྐུ་ཨ་འཇམ། | བོད་ཀྱི་བླ་མ།འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།

English | བོད་ཡིག

སྡེ་གཞུང་སྤྲུལ་སྐུ་ཨ་འཇམ།

Buddha Amitābha, 'Boundless Light'

Further Information:
Download this text:

༄༅། །གསོལ་འདེབས་ཚུལ་དུ་འཕོ་བ།

 

བླ་མ་ལ་ཕྱག་འཚལ་ལོ།  །

འདིར་གཤིན་པོ་ལ་འཕོ་བ་འདེབས་མཁན་མ་རྙེད་པའམ་རྙེད་ཀྱང་རྒྱབ་རྟེན་གསོལ་འདེབས་སྨོན་ལམ་གྱི་ཚུལ་དུ་འཕོ་བའི་དམིགས་རིམ་འདོན་པར་འདོད་ན།

མདུན་མཁར་ཡིད་འཕྲོག་འཇའ་འོད་འཁྲིགས་པའི་ཀློང་།  །

སེང་ཁྲི་པདྨ་ཟླ་བའི་གདན་སྟེང་དུ།  །

རྩ་བའི་བླ་མ་མགོན་པོ་འོད་དཔག་མེད།  །

སྐྱབས་གནས་རྒྱ་མཚོའི་ཚོགས་ཀྱིས་ཡོངས་བསྐོར་བ།  །

བདག་དང་དམིགས་ཡུལ་འགྲོ་བ་མ་ལུས་པར།  །

རྗེས་སུ་བརྩེ་བའི་ཚུལ་གྱིས་བཞུགས་པར་གྱུར།  །

དེ་ནས་གསོལ་འདེབས་དང་མཚན་བརྗོད་ལ།

སྐྱེ་འཆི་བར་དོའི་འཁྲུལ་སྣང་མ་ཞིག་པ།  །

དམིགས་ཡུལ་ཚེ་འདས་འདི་ཡི་རྣམ་ཤེས་ནི།  །

འཆི་མེད་ལམ་ནས་སྐར་མདའ་འཕོ་བ་བཞིན།  །

རྗེ་བཙུན་བླ་མའི་ཐུགས་ཀར་ཐིམ་པར་གྱུར།  །

སྐྱབས་གནས་རྒྱ་མཚོའི་ཐུགས་རྗེའི་བྱིན་རླབས་དང་།  །

རྣལ་འབྱོར་བདག་གི་ལྷག་བསམ་དག་པའི་མཐུས།  །

འཁྲུལ་པའི་སེམས་དང་རྗེ་བཙུན་བླ་མའི་ཐུགས།  །

གཉིས་མེད་མཉམ་པ་ཆེན་པོར་མ་བཅོས་ཨཿ།  །

 

རྒྱུ་དེས་ལས་ངན་སྡིག་སྒྲིབ་ཀུན་བྱང་ནས།  །

འཁྲུལ་སྣང་བར་དོའི་འཇིགས་སྐྲག་མི་འཆར་བར།  །

དག་པའི་ཞིང་དུ་དགེ་བའི་འཕྲོ་མཐུད་དེ།  །

མྱུར་དུ་རྫོགས་པའི་སངས་རྒྱས་ཐོབ་པར་ཤོག  །

 

ཅེས་པ་འདི་ནི་དུས་དབང་གིས་དགོས་པ་ཅུང་ཟད་ཡོད་པ་མཐོང་ནས་རྡོ་རྗེའི་གྲོགས་པོ་རྣམས་ཀྱི་མོས་པ་བཞིན་དུ་ཀུན་དགའ་རྒྱལ་མཚན་གྱིས་བྲིས་པའོ།  དགེའོ།།   །།