བོད་བརྒྱུད་ནང་བསྟན་གསུང་རབ་སྒྲ་བསྒྱུར་ཁང་།
ISSN 2753-4812
ISSN 2753-4812

ཨོ་རྒྱན་ཆེན་པོའི་གསོལ་འདེབས་བར་ཆད་ལམ་སེལ་སྙིང་པོའི་དོན་བསྡུས་ཐུགས་རྗེས་གློག་ཞགས༔

English | བོད་ཡིག

༄༅། །ཨོ་རྒྱན་ཆེན་པོའི་གསོལ་འདེབས་བར་ཆད་ལམ་སེལ་སྙིང་པོའི་དོན་བསྡུས་ཐུགས་རྗེས་གློག་ཞགས་བཞུགས༔

 

ཨོཾ་ཨཱཿཧཱུྃ༔

ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས༔

སྤྲུལ་པའི་སྐུ་སྤྲུལ་པདྨ་ཐོད་ཕྲེང་རྩལ༔

ཐུགས་དམ་རྒྱུད་བསྐུལ་བརྩེ་ཆེན་སྤྱན་གྱིས་གཟིགས༔

བདག་སོགས་འགྲོ་ལ་དབང་བསྐུར་བྱིན་གྱིས་རློབས༔

ཕྱི་ནང་གསང་བའི་བར་ཆད་དབྱིངས་སུ་སོལ༔

 

རྒྱ་གར་ཡུལ་དུ་སྐུ་འཁྲུངས་སྒྲོ་འདོགས་ཆོད༔

ཡེ་ཤེས་མཁའ་འགྲོའི་བྱིན་རླབས་དངོས་གྲུབ་ཐོབ༔

རླུང་སེམས་དབང་ཐོབ་རྫུ་འཕྲུལ་མངའ་བརྙེས་ཤིང༔

ཌཀྐཱིའི་བྱིན་བརླབས་མཁའ་འགྲོའི་ཚོགས་དཔོན་མཛད༔

གསོལ་བ་འདེབས་སོ་ཕྱི་ནང་བར་ཆད་སོལ༔

 

བོད་ཀྱི་ཡུལ་དུ་ལྷ་སྲིན་དམ་ལ་བཏགས༔

གཙུག་ལག་རྟེན་བཞེངས་མངའ་བདག་དགོངས་པ་རྫོགས༔

སྒྲུབ་གནས་བྱིན་བརླབས་གཏེར་གྱི་གཉེར་ཁ་སྦས༔

སྙིགས་དུས་སེམས་ཅན་དོན་དུ་ཐུགས་རྗེ་རྨད༔

གསོལ་བ་འདེབས་སོ་ཕྱི་ནང་བར་ཆད་སོལ༔

 

ལྔ་ཕྲག་ཐ་མའི་འགྲོ་བ་སྡུག་བསྔལ་གྱིས༔

ནོན་ཚེ་སྐྱོབས་པའི་ཕྲིན་ལས་རྣམ་བཞི་ཡིས༔

ཐུགས་རྗེས་རྗེས་སུ་འཛིན་པར་ཞལ་བཞེས་བཞིན༔

རྔ་ཡབ་གླིང་ནས་ཐུགས་རྗེས་ཉེ་བར་དགོངས༔

གསོལ་བ་འདེབས་སོ་ཕྱི་ནང་བར་ཆད་སོལ༔

 

ད་ལྟ་བོད་འབངས་སྡུག་བསྔལ་དྲག་པོ་ཡིས༔

གཟིར་ཚེ་ཁྱོད་ལས་རེ་ས་གཞན་མེད་པས༔

ཁྱོད་ལ་གསོལ་བ་འདེབས་སོ་ཐུགས་རྗེས་གཟིགས༔

དགྲ་གདོན་བགེགས་དང་བར་ཆད་རྐྱེན་བཟློག་ཅིང༔

ཕྱི་ནང་གསང་བའི་བར་ཆད་དབྱིངས་སུ་སོལ༔

 

ཨོཾ་ཨཱཿཧཱུྃྃ་བཛྲ་གུ་རུ་པདྨ་སིདྡྷི་ཧཱུྃྃ༔

 

ཞེས་པ་འདི་ཡང་དུས་ངན་མངོན་ཕྱོགས་མོས་རྩེ་ལྕགས་ལ་མི་དབང་མཆོག་གི་སྐུ་ཚེའི་བར་ཆད་བཟློག་ཕྱིར་གཏེར་མིང་འཛིན་པ་ཁྲག་འཐུང་དཔའ་བོའི་རིག་རྩལ་གང་ཤར་ཐོལ་བྱུང་དུ་སྨྲས་པ་ཡི་གེ་པ་ནི་སློབ་བུ་རས་སྨའི་མིང་ཅན་གྱིས་བགྱིས་པའོ༔

 

མདོ་མཁྱེན་བརྩེ་ཡེ་ཤེས་རྡོ་རྗེ།

གུ་རུ་པདྨ་འབྱུང་གནས།

གནས་ཚུལ་འཕར་མ།

ཕབ་ལེན།

EPUB  PDF 
This website uses cookies to collect anonymous usage statistics and enhance the user experience.
Decline
Accept