Request for Fulfilment of Wishes (Dösol)—Tibetan
Deities › Dharma Protectors | Collections & Cycles › Longchen Nyingtik | བོད་ཀྱི་བླ་མ། › རྡོ་གྲུབ་ཆེན་འཇིགས་མེད་ཕྲིན་ལས་འོད་ཟེར།
Ma Gön Chamdral, the protectors of Longchen Nyingtik
© Tertön Sogyal Trust.
Further information:
༄༅། །འདོད་དོན་གསོལ་ཞིང་ཕྲིན་ལས་བཅོལ་བ།
སངས་རྒྱས་ཀྱི་བསྟན་པ་དར་བ་དང་།
སེམས་ཅན་ལ་བདེ་སྐྱིད་འབྱུང་བ།
རྣལ་འབྱོར་པ་བདག་ཅག་སྒྲུབ་པ་པོས།
ཞི་བའི་ལས་དང་། རྒྱས་པའི་ལས་དང་། དབང་གི་ལས་དང་། དྲག་པོའི་ལས་དང་།
ལས་རབ་འབྱམས་གང་བརྩམ་པ་ཐམས་ཅད་ཐོགས་པ་མེད་ཅིང་མྱུར་བ་ཉིད་དུ་འགྲུབ་པའི་སྡོང་གྲོགས་མཛད་དུ་གསོལ།
ཁྱད་པར་དུ་ཡང་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པའི་ནད་གདོན་འགལ་རྐྱེན་བར་ཆད་ཆགས་ཆེ་ཉམ་ང་ལོ་སྐེག་ཟླ་གཤེད་ལ་སོགས་པའི་ཉེ་བར་འཚེ་བ་མི་མཐུན་པའི་ཕྱོགས་ངན་པ་ཐམས་ཅད་ཞི་ཞིང་བཟློག་པའི་ཕྲིན་ལས་མཛད་དུ་གསོལ།
མདོར་ན་མཐོ་རིས་ཀྱི་ཡོན་ཏན་བདུན་དང་སྡེ་བཞིའི་དཔལ་ཕུན་སུམ་ཚོགས་པ་ལ་རང་དབང་བསྒྱུར་ནས། རྟག་ཏུ་དགེ་བ་བཅུའི་ཆོས་ཡང་དག་པ་ལ་སྤྱོད་ཅིང་ཐར་པ་དང་ཐམས་ཅད་མཁྱེན་པའི་གོ་འཕང་ལ་དབུགས་འབྱིན་པའི་ཕྲིན་ལས་དམ་པ་རྒྱ་ཆེན་པོ་ཡོངས་སུ་འགྲུབ་པར་མཛད་དུ་གསོལ།
འཇིག་རྟེན་སྐྱེ་བོའི་ཁ་སྨོན་བཞིན། །
ཀུན་བཟང་གཞན་ཕན་དེས་བྲིས་དགེས། །
འདོད་དོན་ཕྲིན་ལས་ཀུན་འགྲུབ་ནས། །
མཁའ་མཉམ་འགྲོ་བའི་དོན་ནུས་ཤོག །
སརྦ་མངྒ་ལཾ། དགེའོ།།
