Guru Yoga—Tibetan

Practices › Guru Yoga | Tibetan MastersFourth Dodrupchen Rinpoche

English | བོད་ཡིག

Fourth Dodrupchen Rinpoche

Guru Lake-Born Vajra

Further Information:
Download this text:

༄༅། །བླ་མའི་རྣལ་འབྱོར་བཞུགས་སོ།།

 

ཨེ་མ་ཧོ།

རང་སྣང་སྣོད་བཅུད་དག་པ་དཔལ་གྱི་རིར། །

རང་ཉིད་རྣལ་འབྱོར་མཐིང་སྔོན་གྲི་ཐོད་འཛིན། །

སྤྱི་བོར་པདྨ་ཉི་ཟླ་སུམ་བརྩེགས་སྟེང་། །

སྐྱབས་ཀུན་འདུས་དངོས་དྲིན་ཅན་བླ་མ་རྗེ། །

དམར་གསལ་མདངས་ལྡན་གཟི་བརྗིད་དཔལ་འབར་ཞིང་། །

སྤྱན་ཟུང་ཟླུམ་འཁྱིལ་ཕྱག་གཡས་རྡོ་རྗེ་དང་། །

གཡོན་པའི་མཉམ་བཞག་ཐོད་བུམ་ཁ་ཊཱཾ་ཀ །

མཆན་མཛེས་སྡོམ་གསུམ་ཆས་ཀུན་སྐུ་ལ་མནབས། །

རྣམ་པ་མཚོ་སྐྱེས་རྡོ་རྗེར་བཞུགས་པ་ལ། །

མཐའ་སྐོར་པཎ་གྲུབ་རིག་འཛིན་དཔག་མེད་པ། །

ཏིལ་གྱི་གོང་བུར་བཞུགས་པ་ལམ་མེར་གསལ། །

སྲས་བཅས་རྒྱལ་ཀུན་གསང་གསུམ་གྱི། །

བྱིན་འདུས་དྲིན་ཅན་བླ་མ་ལ། །

མི་ཕྱེད་སྙིང་ནས་གསོལ་འདེབས་ན། །

བདག་རྒྱུད་བྱིན་རླབས་དངོས་གྲུབ་སྩོལ། །

ཅེས་ཁ་ཙམ་མིན་པར་སྙིང་ནས་གསོལ་བ་ཕུར་ཚུགས་སུ་འདེབས་བཞིན་ལན་དུ་མ་བསྐྱལ།

མཐར་ནི་བླ་མའི་གནས་གསུམ་ལས། །

དཀར་དམར་མཐིང་གའི་འོད་རིམ་བྱུང་། །

རང་གི་གནས་གསུམ་ཐིམ་པ་ཡིས། །

སྒྲིབ་དག་དབང་དང་དངོས་གྲུབ་ཐོབ། །

དེ་མཐར་བླ་མ་འོད་དུ་ཞུ། །

རང་ཐིམ་ཐུགས་ཡིད་གཅིག་དུ་འདྲེས། །

མི་དམིགས་སྤྲོས་བྲལ་གདོད་མའི་ངང་། །

འཁོར་འདས་ཆོས་ཀུན་ལྷུན་རྫོགས་ཨཿ། །

 

ཞེས་པ་འདི་ནི་རྡོ་གྲུབ་བཞི་པ་ཐུབ་མིང་པས་ཐོལ་བྱུང་དུ་བྲིས་པ་དགེ།