Yumka Dechen Gyalmo Retreat Guide—Tibetan
༄༅། །ཀློང་ཆེན་སྙིང་ཐིག་གི་རྩ་བ་གསུམ་གྱི་བསྙེན་སྒྲུབ་བྱ་བའི་རིམ་པ་གྲུབ་བརྙེས་རིག་འཛིན་གོང་མའི་གཤེགས་ཤུལ་ཞེས་བྱ་བ་བཞུགས།
༈ །གསུམ་པ་ཀློང་སྙིང་མཁའ་འགྲོ་བདེ་ཆེན་རྒྱལ་མོའི་བསྙེན་སྒྲུབ་བྱ་ཚུལ་ལ།
སྦྱོར་དངོས་རྗེས་གསུམ་ལས།
དང་པོ་སྦྱོར་བ་ནི།
སྐབས་འདིར་སྒྲུབ་པ་སྔ་མའི་རྗེས་སུ་སྦྲེལ་ཚེ་གོང་གི་སྦྱོར་བ་རྣམས་མི་དགོས་པར་དཀྱིལ་འཁོར་བཅའ་གཤོམ་ལ། མཁའ་འགྲོ་དུ་བའི་གནས་ཁྱད་པར་ཅན་དུ་རྩ་བ་གསུམ་གྱི་རྟེན་གཏོར་མདུན་དུ་ཡུམ་ཀ་བདེ་ཆེན་རྒྱལ་མོའི་རྡུལ་ཚོན་ནམ་རས་བྲིས་ཀྱི་དཀྱིལ་འཁོར་ཟླ་གམ་སྒོ་གཅིག་པོ་མདུན་བསྟན་གྱི་ལྟེ་བར་ཆོས་འབྱུང་དམར་པོ་བཾ་ཡིག་གིས་མཚན་པའི་སྟེང་། མཉྫི་ལྟ་བུའི་ཁར་བྷནྡྷ་བཟང་བོ་ཆང་དང་ཆོས་སྨན་སིནྡྷུ་རས་བྲན་བ་ཉིད་ཡུན་རིང་སྒྲུབ་ན་ཁ་མར་ཁུས་བཅད་པའམ། ཡང་ན་སྐམ་རྫས་རིན་པོ་ཆེ་དང་། མགྲོན་བུ་སྨན་བཅུད་འབྲུ་སྣ་བཟང་པོས་གཏམས་པས་ཀྱང་རུང་།
དེའི་ཁར་མེ་ལོང་ལ་སིནྡྷུ་རས་བཅགས་པར་གཞོན་ནུ་མའི་རྡུལ་གྱིས་ཆོས་འབྱུང་བསྣོལ་མ་བྲིས་པའི་དབུས་སུ་བཾ། མདུན་ནས་གཡོན་སྐོར་གྱིས་ཆོས་འབྱུང་གི་གྲ་རེར་ཛྙཱ་ན་ཝཱ་རཱ་ཧྲཱི་ཧཱུྃཿཞེས་ཡིག་འབྲུ་རེ་བཀོད་པའི་སྟེང་ཤེལ་རྡོ་བཞག་སྟེ་ལྡིང་གུར་དམའ་པོ་དབུབ།
གཡས་གཡོན་དུ་སྨན་རཀ རྒྱུན་བཞག་གི་བཀའ་སྲུང་མཆོད་གཏོར་དང་ཆད་བསྟན་གཏོར་མ། མཐར་ཕྱི་ནང་གི་མཆོད་པས་བསྐོར།
དཀར་བགེགས་ཆད་བསྟན་གཏོར་མ། ཚོགས་ཀྱི་ཡོ་བྱད་སོགས་འདུ་བྱས།
༈ གཉིས་པ་དངོས་གཞི་ལ།
ཐོར་ཐུན་ཆུ་ཚོད་གསུམ་པ་ནས་དྲུག་པའི་བར་གྱི་འདོན་རིམ་ནི། ཐོ་རངས་ལྡང་བའི་རྣལ་འབྱོར་
ཆོས་ཐམས་ཅད་རང་བཞིན་གྱིས་༴
ལུས་གནད་བཅས་ཏེ་རླུང་རོ་དགུ་ཕྲུགས་བསལ་ལ།
ཨོྃ་ཨཱཿཧཱུྃ། ལྕེ་དབང་རཾ་ཡིག་སོགས་ངག་བྱིན་བརླབ།
བླ་མ་མཁྱེན།
ལན་གསུམ།
སྙིང་དབུས་དད་པའི་སོགས་ནས།
ཐམས་ཅད་ཕྱམ་གཅིག་སངས་རྒྱས་ཐོབ་པར་ཤོག །
ཧཱུྃ༔ ཨོ་རྒྱན་ཡུལ་གྱི་
སོགས་གསོལ་འདེབས་རྣམས་གོང་བཞིན་དང་། ལས་བུམ་སྒྲུབ་པའི་མཐར།
གུ་རུ་དྷེ་ཝ་ཌཱ་ཀི་ནཱི་སརྦ་སིདྡྷི་ཕལ་ཧཱུྃཿ
བདེ་སྟོང་སྤྲོས་དང་༴
ཨོཾ་མ་ཧཱ་བཛྲ་སོགས་རྡོར་དྲིལ་བྱིན་བརླབ་མཐར།
དཀར་བགེགས་གཏོར་མ་བསྔོ་ན་བྱིན་བརླབ་སྔོན་འགྲོས། བཞི་ཆོད་ཀྱིས་
གང་དག་འདིར་གནས་
སོགས་མཐར་ཌཱ་དྲིལ་འཁྲོལ།
བགེགས་ལ་བཞི་ཆོད་ཀྱིས་ཌཱ་བཅས།
ཧྲཱིཿ སྣོད་བཅུད་སྤྲུལ་པའི་
སོགས་ནས།
གཏོར་མ་ལོངས་ལ་
ཞེས་སམ། མེད་ན་
གནས་འདིར་མ་འདུག་༴
ཧྲཱིཿ སྣང་སྲིད་དག་པ་༴
རང་གི་སྙིང་གའི་ཧཱུྃ་གི་༴
ལྷུག་འདོན་གྱིས
ན་མོ༔ སྐྱེ་མེད་ཡེ་ཤེས་༴ ལན་གསུམ།
ཧོ༔ འདི་ནས་བྱང་ཆུབ་༴ ལན་གསུམ།
ཛཿ་ཧཱུྃ་བཾ་ཧོཿ ཚོགས་ཞིང་རྣམས་༴
ནང་མཆོད་ཁེབས་བསལ་ལ། ཌཱ་བཅས་
ཨོཾ་ཨཱཿཧཱུྃཿདངོས་པོར་འཛིན་པའི་༴
ལྷུག་འདོན་གྱིས་
ཨཱཿ སྣང་བ་ཐམས་ཅད་༴
ཌཱ་བཅས་
ཧཱུྃ༔ ཡུལ་གྱི་མིང་ནི་༴
ཧོ༔ གདོད་ནས་དམ་ཚིག་༴
ཌཱ་བཅས་
ཧོ༔ སྣང་ཞིང་སྲིད་པའི་༴
ནང་མཆོད་ཁ་བཅད།
ཧཱུྃ༔ རྒྱལ་བ་ཀུན་ཡུམ་༴
ལྷུག་འདོན་གྱིས་
རང་ཉིད་མཁའ་འགྲོའི༴
ཨ་ཨཱ་སོགས་དབྱངས་གསལ་རྟེན་སྙིང་ལན་གསུམ།
ཨཱོྃ་རུ་ཙི་པྲ་མར་ཏ་ན་ཡེ་
སོགས་ལན་གསུམ་མཐར།
ཨཱོྃ་སུ་པྲ་ཏིཥྛ་༴
ཨཱོྃ་པདྨོ་ཡོ་གི་ནི་ཛྙཱ་ན་ཝཱ་རཱ་ཤཱི་ཧཱུྃཿ
ཞེས་བཟླ་ཞིང་རྩ་སྔགས་གྲངས་གཟུང་། ཐུན་འཇོག་རན་པ་ན།
ཨཱོྃ་གུ་ཧྱ་ཛྙཱ་ན་
སོགས་ཅུང་ཟད་བཟླས་པའི་མཐར། ལྷག་ཆད་ཁ་སྐོང་དང་མཆོད་བསྟོད་སོགས་དཀྱུས་བཞིན། རྩ་སྔགས་གྲངས་ཚད་རྫོགས་ནས་ལུས་དཀྱིལ་བཟླས་པར་ཐུག་པ་ན། རྩ་སྔགས་བརྒྱ་རྩ་ཙམ་བཟླས་ནས། ལུས་དཀྱིལ་ལ་དམིགས་ཏེ།
ཨཱོྃ་གུ་ཧྱ་ཛྙཱ་ན་བོ་དྷི་ཙིཏྟ་མ་ཧཱ་སུ་ཁ་རུ་ལུ་རུ་ལུ་ཧཱུྃ་བྷྱོ་ཧཱུྃཿ
ཞེས་བཟླ་ཞིང་གྲངས་གཟུང་། མཐར་
ནད་གདོན་འཇིགས་བརྒྱད་༴
ཨ་ཨཱ་སོགས་དབྱངས་གསལ། ཡིག་བརྒྱ། རྟེན་སྙིང་བཅས་ལན་གསུམ།
ནང་མཆོད་ཁེབས་བསལ་ལ། ཌཱ་བཅས་
ཧོཿ སྣང་ཞིང་སྲིད་པའི་༴
ནང་མཆོད་ཁ་བཅད། བཞི་ཆོད་ཀྱིས་
ཧཱུྃ༔ རྒྱལ་བ་ཀུན་ཡུམ་༴
སངས་རྒྱས་པདྨའི་ལྕམ་ལ་ཕྱག་འཚལ་བསྟོདཿ
བཅུ་དྲུག་དགའ་སྟེར་༴
ཧཱུྃ༔ ཡེ་ཤེས་མཁའ་འགྲོའི་༴
ཨཱོྂ འདིར་ནི་རྟེན་དང་༴
ཧོཿ ཆུ་ལས་ཆུ་བུཪ་༴
ཧོཿམཁའ་འགྲོ་མ་ཡི་༴
ཇི་ལྟར་ལྷ་མོ་ཁྱེད་ཉིད་དང་༴
ཧོཿ སྣང་སྲིད་ཐམས་ཅད་༴
ལན་གསུམ། ཌཱ་བཅས
ཧོཿ རིག་འཛིན་བརྒྱུད་པའི་༴
སངས་རྒྱས་བསྟན་པ་དར་ཞིང་༴
ཀུན་བཟང་རྡོ་རྗེ་འཆང་ཆེན་༴
བསྟན་པའི་དཔལ་གྱུར་༴
སོགས་ཀྱིས་ཐོར་ཐུན་གྲོལ། ནངས་ཇ་བཞེས།
༈ སྔ་ཐུན་ཆུ་ཚོད་བརྒྱད་པ་ནས་བཅུ་གཅིག་བར་གྱི་འདོན་རི་མ་ནི།
ཧཱུྃ༔ ཨོ་རྒྱན་ཡུལ་གྱི་
སོགས་ནས་གསོལ་འདེབས་ལེའུ་བདུན་མ་ཡོངས་རྫོགས་འདོན།
གུ་རུ་དྷེ་ཝ་ཌཱ་ཀི་ནཱི་༴
རང་གི་སྙིང་གའི་༴
ན་མོ༔ སྐྱེ་མེད་ཡེ་ཤེས
སོགས་སྐྱབས་སེམས། ཚོགས་ཞིང་བསྡུ་མཐར། མཆོད་རྫས་བྱིན་བརླབ། ལྷ་བསྐྱེད། སྤྱན་འདྲེན། བཞུགས་གསོལ། ཕྱག་འཚལ། མཆོད་པ། བསྟོད་པ། འཛབ་དགོངས་བཅས་སོང་ནས། ཕྲེང་བྱིན་དོར། བཟླས་པའི་མཐར།
ནད་གདོན་འཇིགས་བརྒྱད་
སོགས་དབྱངས་གསལ་ཡིག་བརྒྱ་རྟེན་སྙིང་ལན་གསུམ། ཌཱ་བཅས་
ཧོ༔ སྣང་ཞིང་སྲིད་པའི་༴
སོགས། མཆོད་པ། བསྟོད་པ། ནོངས་བཤགས། བརྟན་བཞུགས། བསྡུ་ལྡང་། བསྔོ་སྨོན། བཀྲ་ཤིས།
སངས་རྒྱས་བསྟན་པ་༴
ཀུན་བཟང་རྡོ་རྗེ་༴
བསྟན་པའི་དཔལ་གྱུར་
སོགས་ཀྱིས་སྔ་ཐུན་གྲོལ། དགུང་ཚིགས་བཞེས།
ཕྱི་ཐུན་ཆུ་ཚོད་དང་པོ་ནས་བཞི་པའི་བར་གྱི་འདོན་རིམ་ནི།
ཧཱུྂ༔ ཨོ་རྒྱན་ཡུལ་གྱི་སོགས་དང་།
གུ་རུ་དྷེ་ཝ་ཌཱ་ཀི་ནཱི་
སོགས་ནས་ཤིས་བརྗོད་མཇུག་བར་སྔ་ཐུན་བཞིན་འདོན་ནས། གསོལ་ཁ་གསུང་བ་སོགས་ཀྱིས་ཕྱི་ཐུན་གྲོལ། དགོང་ཟས་བཞེས།
སྲོད་ཐུན་ཆུ་ཚོད་དྲུག་པ་ནས་དགུ་པའི་བར་གྱི་འདོན་རིམ།
ཧཱུྃ༔ ཨོ་རྒྱན་ཡུལ་གྱི་
སོགས་སྔ་ཕྱིའི་ཐུན་བཞིན་རིམ་པར་ཤིས་བརྗོད་བར་འདོན་ནས།
སངས་རྒྱས་བསྟན་པ་དར་ཞིང་སོགས་དང་།
ཀུན་བཟང་རྡོ་རྗེ་འཆང་ཆེན་
སོགས་ཀྱི་མཐར།
ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ
རང་བཞིན་རྣམ་དག་༴
དངོས་གྲུབ་རྒྱ་མཚོའི་༴
ཀུན་བཟང་སྣང་མཐའ་པད་འབྱུང་མན་ཆད་དང་༴
དྲིན་ཅན་རྩ་བའི་བླ་མའི་ཡན་ཆད་ཀྱིས། །
འགྲོ་བའི་དོན་དུ་སྨོན་ལམ་གང་བཏབ་པ། །
དེ་དག་ཐམས་ཅད་དེང་འདིར་འགྲུབ་གྱུར་ཅིག །
ཞབས་བརྟན།
འགྲོ་བའི་སྡུག་བསྔལ་༴
བསྟན་པའི་དཔལ་གྱུར་༴
ཐུབ་བསྟན་མཛེས་པའི་༴
སོགས་ཀྱིས་དགོང་ཐུན་གྲོལ་ནས་ཉལ་བའི་རྣལ་འབྱོར་ལ་འཇུག
༈ ཚོགས་མཆོད་ནི་འབྱོར་པས་ལྕོགས་ན་རྩ་སྔགས་བསྙེན་པའི་དུས་སུ་ཡང་མ་ཆག་པར་འབུལ་ཐུབ་ན་ཤིན་ཏུ་ལེགས་ཤིང་། ལྷག་པར་ལུས་དཀྱིལ་སྒྲུབ་པའི་སྐབས་སུ་ནི་ཉིན་རེ་བཞིན་ཚོགས་མཆོད་རྒྱ་གང་ཆེར་བྱ་བ་ངེས་པར་དགོས་པས། ཡར་མར་གྱི་ཆོས་བཅུ་སོགས་སྲོད་ཐུན་གྱི་མཐར་ཚོགས་མཆོད་བྱ་བ་ན།
ཐོག་མར་རང་གི་མདུན་དུ་ལག་པས་ལེན་བདེ་བའི་གནས་སུ་ཅོག་ཅེའི་སྟེང་ན་གཡས་སུ་ཚོགས་ཕུད་རིམ་པ་གསུམ་དང་ལྷག་མ་བཅས་ལ་ཐེབ་རྩེ་བཞིའི་ནང་ཚོགས་རྫས་ཤ་དང་ཤིང་འབྲས་སོགས་ཅི་འབྱོར་དང་བཅད་ཁམ་རེ་བཅས་བཤམས། གཡོན་དུ་ཀ་པཱ་ལར་ཆོས་སྨན་ལྡན་པའི་ཚོགས་ཆང་བཅས་འཆོགས་བར་བྱས་ནས།
ཧཱུྃ༔ ཨོ་རྒྱན་ཡུལ་གྱི་
སོགས་ནས། དཀར་གཏོར་བྱིན་བརླབ་དང་
གང་དག་འདིར་གནས་
སོགས་ཀྱིས་དཀར་གཏོར་མཆོད་ཅིང་། བགེགས་གཏོར་བྱིན་བརླབ་དང་བཀའ་བསྒོའི་ཆོག་མཚམས་
གཏོར་མ་ལོངས་ལ་གཞན་དུ་༴
སོགས་ཀྱིས་བགེགས་གཏོར་བསྔོ། མཚམས་གཅོད་མཐར།
རང་གི་སྙིང་གའི་ཧཱུྃ་གི་༴
སྐྱབས་སེམས། ཚོགས་ཞིང་བསྡུ་བ། མཆོད་རྫས་བྱིན་བརླབ་སོགས་དཀྱུས་བཞིན་འདོན། བསྙེན་སྒྲུབ་བཟླས་པའི་མཇུག་ཏུ།
ནད་གདོན་འཇིགས་བརྒྱད་༴
ཨ་ཨཱ་སོགས་དབྱངས་གསལ་ཡིག་བརྒྱ་རྟེན་སྙིང་ལན་གསུམ།
ཌཱ་བཅས་
སྟོང་པའི་ཡེ་ཤེས་༴
ཧཱུྃ༔ རྒྱལ་བ་ཀུན་ཡུམ་༴
ཨཱོྃ་བཛྲ་ས་ཏྭ་ས་མ་ཡ་སོགས་ཡིག་བརྒྱ་ལན་གཅིག
ཨོ་རྒྱན་རིན་པོ་ཆེ་ལ༴
ཡེ་ཤེས་ཀྱི་འཁོར་ལོ་༴
སྒར་འདོན་གྱིས་
ཧཱུྃ༔ ཡེ་ཤེས་སྐུ་མཆོག་༴
སོགས་ཡིག་བརྒྱ་ཅི་རིགས་མཐར། ཌཱ་བཅས་
ཧཱུྃ༔ བཀའ་གསང་རྨད་དུ་༴
ཨོཾ་བཛྲ་ས་ཏྭ་ས་མ་ཡ་༴
ནམ་མཁའི་མཐར་ཐུག་༴
བཞི་ཆོད་ཀྱིས་
ཧོཿ བདེ་བ་ཆེན་བོའི་༴
ཧཱུྃ༔ འོག་མིན་གནས་དང་༴
ཌཱ་བཅས་
བཞུགས་པའི་དཔའ་བོ་༴
ལོངས་སྤྱོད་འཁོར་ལོར་༴
ཌཱ་བཅས་
བཞུགས་པའི་དཔའ་བོ༴
མཚན་མ་པྲེ་ཏ༴
ཌཱ་བཅས་
བཞུགས་པའི་དཔའ་བོ༴
ལྷུག་འདོན་གྱིས་
ཧོཿ ཡེ་ཤེས་མཁའ་འགྲོའི༴
ན་མཿསརྦ་ཏ་ཐཱ༴
ལན་གསུམ།
བཛྲ་སྥ་ར་ཎ་ཁཾ།
ཌཱ་བཅས་
ཧོཿ གཟུང་འཛིན་ཆོས་ཀུན༴
ཨོཾ་བཛྲ་ས་ཏྭ་ས་མ་ཡ་སོགས་ཡིག་བརྒྱ་བརྗོད།
ཚོགས་ཀྱི་མཆོད་པ་རྒྱན་དུ་རོལ།
ཨ་ལ་ལ་ཧོཿ
བདེ་བར་གཤེགས་པ༴
ཧོཿ བདག་ལུས་ཕུང་ཁམས༴
ཨོཾ་རྗེ་བཙུན་མ༴
ཕྱག་འཚལ་བ་ནི་ཉི་ཤུ་རྩ་གཅིག །
རྒྱལ་ཡུམ་སྒྲོལ་མ་ཁྱེད་སྐུ་ཅི་འདྲ་དང་། །
འཁོར་དང་སྐུ་ཚེའི་ཚད་དང་ཞིང་ཁམས་དང་།
ཁྱེད་ཀྱི་མཚན་མཆོག་བཟང་པོ་ཅི་འདྲ་བ། །
དེ་འདྲ་ཁོ་ནར་བདག་སོགས་འགྱུར་བར་ཤོག
ཚོགས་ལ་རོལ་མཐར།
ཧཱུྃ༔ ཡེ་ཤེས་མཁའ་འགྲོའི་དཀྱིལ་འཁོར་དུ༴
ཨཱོྃ་ཨ་ཀཱ་རོ་མུ་ཁཾ༴
ཌཱ་བཅས་
ཕཻཾཿ ལྷག་ལ་དབང་བའི་༴
ཚོགས་མཆོད་ཕུལ་བའི་༴
ན་མོ་དཀོན་མཆོག་གསུམ་དང་༴
ལན་གསུམ།
ཛཿཧཱུྃ་བཾ་ཧོཿ
ཧཱུྃ༔ བཞེངས་ཤིག་མཁའ་འགྲོ༴
གཏོཪ་མ་ཡེ་ཤེས་ཀྱི༴
ཌཱ་བཅས་
ཧཱུྃ༔ ཡེ་ཤེས་མཁའ་འགྲོའི༴
དག་ཅག་དཔོན་སློབ་ཡོན་མཆོད་༴
ཨཱོྃ་ཧཱུྃ་ཏཱཾ་ཧྲཱིཿཨཱཿ
ལྷ་རྫས་དང་ཏིང་ངེ་འཛིན་ལས་༴
ན་མཿསརྦ་ཏ་ཐཱ་ག་ཏ་༴
ལན་གསུམ། ཌཱ་བཅས་
ཧོཿ སྣང་ཞིང་སྲིད་པའི་༴
བཛྲ་ཛྙཱ་ན་ཌཱཀྐི་ནི་པུཥྤེ་དྷཱུཔྤེ་ཨཱ་ལོ་ཀེ་གནྡྷེ་ནེ་ཝི་ཏྱ་ཤཔྟ་མ་ཧཱ་མུ་དྲ་སརྦ་པཱུ་ཛ་ཨཱ་ཧཱུྃཿ
མ་ཧཱ་པཉྩ་ཨ་མྲྀ་ཏ༴
ལྷུག་འདོན་གྱིས་
ཧཱུྃ༔ རྒྱལ་བ་ཀུན་ཡུམ་༴
ཧཱུྃ༔ ཡེ་ཤེས་མཁའ་འགྲོའི་
སོགས་ནས་ཤིས་བརྗོད་བར་དང་།
སངས་རྒྱས་བསྟན་པ་༴
ཀུན་བཟང་རྡོ་རྗེ་༴
དཔལ་རིའི་སྨོན་ལམ་སོགས་ཀྱིས་དགོང་ཐུན་གྲོལ།
དེ་ལྟར་ཡུམ་ཀ་ཟླ་བ་གཉིས་སམ་གསུམ་ཙམ་གྱི་ཁོངས་སུ་པདྨོ་ཡོ་གི་ནི་འབུམ་ཕྲག་བཅུ་གསུམ། གུ་ཧྱ་ཛྙཱ་ན་འབུམ་ཕྲག་བདུན་བཅས་གྲངས་ཚད་ཐེམས་པར་བྱས་ནས།
༈ གསུམ་པ་རྗེས་ཀྱི་བྱ་བ་དངོས་གྲུབ་བླང་ཚུལ་ནི།
ཐོ་རངས་དངོས་གྲུབ་བླང་བའི་སྔར་ཉིན་གྱི་ཕྱི་ཐུན་མཇུག་ཏུ་དངོས་གྲུབ་ཀྱི་རྫས།
རྡོ་རྗེ་ཚེ་སྟེ་ཟན། ཛཀྟིའམ་མཱཾ་ས་སྟེ་ཤ ཛ་གད་དམ་དཔའ་བྱེད་དེ་ཆང་། འཇམ་དེས་སམ་ཟླ་བ་དཀར་བ་སྟེ་མར། ཟླ་རྒྱས་ཏེ་ཞོ་དང་འཁུར་བ། ཟླ་ཕྲོམ་སྟེ་ཐུད་དང་ཕྲུམ། གལ་སྐྱེས་ཏེ་སྤོད་སྣ་ཚོགས་ཀྱི་གཡོས། བྲན་མོ་སྟེ་ཚོད་མ། གཡོན་ཅན་ཏེ་སྒོག་པ། ཀུན་ཏུ་རྒྱུ་སྟེ་ཚྭ། ཚོ་ཁྲིད་དེ་སྐྱུར་ལོ། ཤམ་མོ་སྟེ་སིང་པོ་སོགས་བཟའ་བཅའ་བཏུང་བའི་བྱེ་བྲག་ཚོགས་ཚད་གསར་དུའང་འདུ་བྱ།
མཆོད་བ་རྙིང་པ་ཁ་གསོ་ཞིང་གསར་པ་བཤམས་ལ། སྲོད་ཐུན་དུ་ལས་གཞུང་བསྲང་ནས་བསྟོད་པའི་མཇུག་ཏུ།
བྷྲཱུྃ་བི་ཤྭ་བི་ཤུདྡྷེ་ཕཊ་ཛཿཞེས་འཛབ་ཁང་དབྱེ་ནས
རང་ཉིད་མཁའ་འགྲོའི་
སོགས་རྩ་སྔགས་དང་ལུས་དཀྱིལ་བཟླས་པའི་མཇུག་ཏུ། འདིར་དངོས་གྲུབ་སྒྲུབ་པའི་སྔགས།
ཨཱོྃ་པདྨོ་ཡོ་གི་ནི་ཛྙཱན་ཝཱ་རཱ་ཧཱི་བཛྲ་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོཿ
ཞེས་གཙོ་བོར་བཟླ། དེ་དུས་དངོས་གྲུབ་བསྡུ་དམིགས་ནི་བདག་བསྐྱེད་ཀྱི་ཐུགས་ཀའི་སྔགས་ཕྲེང་ལས་འོད་ཟེར་སྣ་ཚོགས་སྤྲོས་ཏེ་མདུན་བསྐྱེད་ལ་ཕོག་པས་ཐུགས་རྒྱུད་བསྐུལ། སླར་ཡང་མདུན་བསྐྱེད་ཀྱི་གནས་གསུམ་ནས་སྐུ་གསུང་ཐུགས་ཀྱི་དངོས་གྲུབ་ཐམས་ཅད་འོད་ཟེར་དཀར་དམར་མཐིང་གསུམ་གྱི་རྣམ་པར་བྱུང་སྟེ་བདག་བསྐྱེད་ཀྱི་གནས་གསུམ་དང་། དངོས་གྲུབ་ཀྱི་རྫས་ལ་ཐིམ་པས་མཆོག་ཐུན་མོང་གི་དངོས་གྲུབ་ཐམས་ཅད་ཐོབ་པར་བསམ། རྫས་རྣམས་ཀྱང་ཡེ་ཤེས་ཀྱི་རང་བཞིན་ཟོས་པ་ཙམ་གྱིས་གྲོལ་ནུས་པའི་བདག་ཉིད་དུ་གྱུར་པར་བསམ། མཐར་བསྙེན་མཇུག་གི་མཆོད་བསྟོད་དང་། ཚོགས་མཆོད་སོགས་སྔར་བཞིན།
གཏང་རག་མཆོད་བསྟོད་ཀྱི་རྗེས།
བཛྲ་ས་མ་ཡ་ཛཿ
བཏགས་པའི་ཡི་གེ་བརྒྱ་པ་བརྒྱ་རྩ་བརྒྱད་ཀྱིས་བཤགས། གཞུང་གི་
ཧོཿམཁའ་འགྲོ་སྒྲུབ་པའི་
སོགས་དངོས་གྲུབ་བསྐུལ་སྔགས་འཛབ་དབྱངས་ཉེར་གཅིག་གིས་དངོས་གྲུབ་ཞུ་བའི་སྙན་གསན་དབབ། ནོངས་བཤགས་ནས་ཤིས་བརྗོད་བར་རྒྱུན་འདོན་ལྟར་གྱིས་གྲུབ་བོ། །
ཉིན་ཕྱི་མའི་ནངས་པར་ཐོ་རངས་ནི་རིག་པ་དྭངས་སྙིགས་ཕྱེ་བའི་དུས་ཡིན་པས་ཉམས་ལེན་ལ་བོགས་ཐོན་པ་དང་། སྟོན་པ་ཐུགས་རྗེ་ཅན་སངས་རྒྱས་པའི་དུས་གནད་ཁྱད་པར་ཅན་ཡིན་པས་སྐྱ་རེངས་མ་ཤར་ཙམ་ནས། སྒྲུབ་ཐབས་ཀྱི་གཞུང་བསྲང་ནས། བསྟོད་པའི་མཇུག་ཏུ།
བྷྲཱུྃ་བི་ཤྭ་བི་ཤུདྡྷེ་ཕཊ་ཛཿ ཞེས་འཛབ་ཁང་དབྱེ་ནས།
རང་ཉིད་མཁའ་འགྲོའི༴
ཕྲེང་བ་བྱིན་བརླབ། རྩ་སྔགས་དང་ལུས་དཀྱིལ་བཟླས་པའི་མཐར།
ནད་གདོན་འཇིགས་བརྒྱད་༴
སོགས་དབྱངས་གསལ་ཡིག་བརྒྱ་རྟེན་སྙིང་ལན་གསུམ། ནང་མཆོད་ཁེབས་བསལ་ལ། ཌཱ་བཅས་
སྟོང་པའི་ཡེ་ཤེས་༴
ནང་མཆོད་ཁ་བཅད།
ཧཱུྃ༔རྒྱལ་བ་ཀུན་ཡུམ་༴
དག་གྱུཪ་ཅིགཿ
ཨཱོྃ་བཛྲ་ས་ཏྭ་ས་མ་ཡ་
སོགས་ཡིག་བརྒྱ།
ཨོ་རྒྱན་རིན་བོ་ཆེ་ལ་༴
ཚོགས་ཀྱི་གཤོམ་སྐབས་གནམ་ཕུད་ཀྱི་ཚོགས་དང་གསེར་སྐྱེམས་ཀྱང་བཤམ། ཚོགས་བསྐང་སྔར་བཞིན་ལས།
བཤགས་ནས་སྐུ་གསུང་ཐུགས་ཀྱི་དངོས་གྲུབ་སྩོལཿ
ཞེས་བཤགས་པའི་རྗེས། ཌཱ་བཅས་ན་
ན་མོཿ བདེ་གཤེགས་སྙིང་པོ་༴
པདྨ་ཀ་མ་༴
ཨཱོྃཿ ཀུན་བརྟགས་སྣང་བ་༴
ན་མཿ སརྦ་ཏ་ཐཱ་
སོགས་ལན་གསུམ་དང་།
བཛྲ་སྥ་ར་ཎ་ཁཾ།
ཌཱ་ཡོད་མེད་གང་ལྟར་ཡང་བཞི་ཆོད་ཀྱིས།
ཨཱཿ རང་བྱུང་ལྷུན་གྲུབ་༴
ན་མཿ སརྦ་ཏ་ཐཱ་
སོགས་ལན་གསུམ་དང་།
བཛྲ་སྥ་ར་ཎ་ཁཾ།
ཌཱ་བཅས་
ཧོོཿགཟུང་འཛིན་ཆོས་ཀུན་༴
མདོར་ན་རབ་འབྱམས་
སོགས་ནས།
རྩ་གསུམ་དམ་ཅན་ཌཱཀྐིའི་བླ་རྡོར་འབུལ་ཞེས་སྐབས་གནམ་ཕུད་གསེར་སྐྱེམས་བཅས་མཆོད།
གནས་ལུགས་རྫོགས་པ་ཆེན་པོའི་ཀློང་དུ་ཨཱཿ
ཞེས་ཌཱ་འཁྲོལ། དེ་ནས་ལྷ་དང་འཁོན་ལྕུགས་སྦྱོང་བའི་ཕྱིར།
བཛྲ་ས་མཱ་ཛཿ
ཧཱུྃ༔ ཡེ་ཤེས་སྐུ་མཆོག་༴
སོགས་བརྗོད་མེད་དོན་བཤགས་ཀྱིས་བཟོད་པར་གསོལ་ལ།
བཛྲ་ས་མཱ་ཡ་ཛཿ
བཏགས་པའི་ཡི་གེ་བརྒྱ་པ་ཉེར་གཅིག་གམ་བརྒྱ་རྩ་སོགས་ཀྱིས་བྲོ་བཤགས་བྱ། དངོས་གྲུབ་ཀྱི་རྫས་རྣམས་ལ་དངོས་གྲུབ་བསྡུ་བ་དང་། ཐུགས་དམ་བསྐུལ་བའི་དམིགས་འདུན་དང་བཅས།
ཨཱོྃ་པདྨོ་ཡོ་གི་ནི་ཛྙཱ་ན་ཝཱ་རཱ་ཧཱི་བཛྲ་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོཿ
ཞེས་དངོས་གྲུབ་བསྐུལ་སྔགས་བརྒྱའམ་ཉེར་གཅིག་བཟླ། ཌཱ་བཅས་བཞི་ཆོད་ཀྱིས།
ཧྲཱིཿ སྣོད་བཅུད་སྤྲུལ་པའི་༴
སོགས་ནས།
གནས་འདིར་མ་འདུག་༴
རྡོ་རྗེས་གཞོམ་
ཞེས་ཌཱ་བཅད་ནས། ཧཱུྃ་བཞིའི་སྔགས་དང་དྲག་སྔགས་སོ་ལྔས་སྒྲུབ་རྫས་རྣམས་ལ་ཐུན་བྲབ་ཅིང་ཌཱ་འཁྲོལ། གུ་གུལ་བདུག བགེགས་བསྐྲད་ཅིང་།
ཧྲཱིཿ སྣང་སྲིད་དག་པ་༴
སོགས་ཀྱིས་སྲུང་འཁོར་བསྒོམ། དེ་ནས་ཚིག་བདུན་སྤྱན་འདྲེན་ལན་གསུམ།
ཧཱུྃ༔ བཞེངས་ཤིག་པདྨ་༴
སོགས།
ཧཱུྃ༔སྤྲོས་བྲལ་ཆོས་སྐུའི་༴
སོགས་བྱིན་འབེབས་མཐར། གཞུང་གི་
ཧོཿམཁའ་འགྲོ་སྒྲུབ་པའི་༴
སོགས་དངོས་གྲུབ་བསྐུལ་སྔགས་འཛབ་དབྱངས་ཀྱིས་བཟླ་བཞིན་སྒྲུབ་རྟེན་གསང་ཐོད། མེ་ལོང་། ཤེལ་རྡོ་རྣམས་གནས་གསུམ་དུ་གཏུག་ལ། སྒྲུབ་རྟེན་ལྷར་གསལ་བ་འོད་དུ་ཞུ་བ་སྤྱི་བོ་ནས་ཐིམ་པ་སྙིང་གའི་ཐིག་ལེ་ལ་འཇུས་པས་མཆོག་ཐུན་གྱི་དངོས་གྲུབ་བདེ་བླག་ཏུ་ཐོབ་པར་བསམ་བཞིན་དངོས་གྲུབ་ཀྱི་རྫས་ལ་ལྟོ་འགྲང་ཞིང་ཚིམ་པར་རོལ།
ཨཱོྃ་ཧཱུྃ་ཏྲཱྃ་ཧྲཱིཿཨཱཿ
ལྷ་རྫས་དང་ཏིང་ངེ་འཛིན་ལས་
སོགས་གཏང་རག་གི་མཆོད་བསྟོད་བསྡུས་པ་བྱ་ཞིང་ཡིག་འརྒྱ་བརྗོད། དེ་ནས་ཚོགས་ཀྱི་དྲང་བ་བླང་།
དངོས་གྲུབ་ཀྱི་རྫས་སོགས་སྒྲུབ་རྫས་རྣམས་གོང་བཞིན་སྔགས་གཡོག་ལྟ་བུའམ། །ཆ་ལྔར་བགོས་ཏེ་འགྱེད་པར་བྱའོ། །
བསྙེན་སྒྲུབ་ཁ་སྐོང་དུ་རིག་འཛིན་ཡུམ་ཀའི་མེ་མཆོད་སྒོ་ནས་བསྲེག་རྫས་རྣམས་རྩ་སྔགས་འབའ་ཞིག་གིས་འབུལ། དེ་མ་གྲུབ་ན་ཞག་བདུན་སོགས་སུ་ཡི་གེ་བརྒྱ་པ་ཅི་མང་བཟླས།
ལྷག་མ་མན་ཆད་གཞུང་ལྟར་བྱ་ཞིང་། ལྷག་མ་བཙོན་དུ་བཟུང་བ་ཐམས་ཅད་ཀྱང་དེ་དུས་ཕྱི་རོལ་དུ་ཁྱེར་ནས་གཏོར་སྣོད་ཁ་ནང་བསྟན་དུ་སྤུངས། དེ་ཡང་མི་གཏོར་བར་སྤུང་ངེར་བླུགས། སྣོད་ཀྱང་བཤལ་ནས་དེ་ཕྱོགས་མཆོད། བསྐུལ་བ། རྒྱུན་བཞག་གི་ཆད་ཐོ་དང་། བསྟན་མ་གཤེགས། རྟ་བྲོ། གསོལ་ཁ་རྒྱས་པར་མཆོད་དེ་རྒྱུན་བཞག་གི་བཀའ་སྲུང་གཏོར་མ་རྣམས་ཡང་ཐོག་སོགས་གཙང་སར་གཤེགས། གཏང་རག་མཆོད་བསྟོད། ནོངས་བཤགས། བརྟན་བཞུགས།
ཧོཿ ཆུ་ལསཆུ་བུར་
སོགས་ཀྱིས་བདག་བསྐྱེད་དམ་ཚིག་གི་འཁོར་ལོ་བསྡུ་ཞིང་གཉུག་མའི་ལྷར་ལྡང་། རྒྱལ་ཐོ་བཀྲོལ། བཀྲ་ཤིས་གང་རུང་བརྗོད་ཅིང་མེ་ཏོག་འཐོར། ཐོ་བླང་ལ་དབེན་སར་བཞག མཆོད་གཏོར་སོགས་གཙང་སར་གཤེགས།
ཧོཿ དུས་གསུམ་བསགས་པའི་༴
སོགས་བསྔོ་སྨོན་མཚམས་སྦྱོར་དང་བཀྲ་ཤིས་བཅས་ཀྱིས་ལེགས་བར་གྲུབ། བསྔོ་བ་སྨོན་ལམ་གྱིས་རྒྱས་བཏབ་ཅིང་། ཁྱད་པར་བཀྲ་ཤིས་པའི་ཚིགས་སུ་བཅད་པ་གང་རྒྱས་བརྗོད།
དེ་ནས་ཞག་གསུམ་བར་གནས་གཞན་དུ་མི་རྒྱུ་ཞིང་རང་མལ་དུ་གཞན་མི་འཇུག་པར་རྗེས་སྲུང་བྱས་ཏེ་རིམ་པས་བླ་མ་དང་མཆེད་གྲོགས་སོགས་ཐོག་མར་དམ་གཙང་དང་འཕྲད་ནས་མཚམས་ལས་སེང་བར་བྱའོ། །
གཞན་ཡང་གསང་སྒྲུབ་ཐུགས་ཆེན་སྡུག་བསྔལ་རང་གྲོལ། བླ་མ་དྲག་པོ་རྟ་ཁྱུང་འབར་བ། གསང་སྒྲུབ་སེང་གདོང་། ཡང་གསང་བླ་སྒྲུབ་ཐིག་ལེའི་རྒྱ་ཅན། རྡོ་རྗེ་སེམས་དཔའ། རྡོ་རྗེ་ཕུར་པ། ཞི་ཁྲོ་ངན་སོང་སྦྱོང་བ་སོགས་བསྙེན་སྒྲུབ་བྱ་ཚུལ་སྦྱོར་དངོས་རྗེས་གསུམ་གྱི་འདོན་འགྲིགས་ཐམས་ཅད་འདི་ཡིས་རིགས་འགྲེ་བར་བྱའོ། །
སྤྱིར་བསྙེན་པ་ལ་གྲངས་ཀྱི་བསྙེན་པ། དུས་ཀྱི་བསྙེན་པ། མཚན་མའི་བསྙེན་པ་སྟེ་གསུམ་དུ་གསུངས་པ་ལས། སྐབས་འདིར་གྲངས་ཀྱི་བསྙེན་པའི་དབང་དུ་བྱས་ཏེ་དུས་ཀྱི་ཞག་གྲངས་ངེས་པར་བྱས་པས།
དེ་ཡང་ཐུགས་ཆེན་ལ་ཟླ་བ་བདུན་ནམ་བརྒྱད་ཙམ་གྱི་ཁོངས་སུ་མ་ཎི་གྲངས་ཁ་སྐོང་བཅས་འབུམ་ཕྲག་བརྒྱ་དང་བཅུ། མཐར་སེམས་མ་བཞིའི་བཟླས་པ་ཞག་བདུན་ཕྲག་རེ་རེ་བཟླ་བའམ། ཡང་ན་གོང་གི་རྩ་བསྙེན་གྱི་བཅུ་ཆར་བཟླ་ནུས་ན་ལེགས།
༈ རྟ་ཁྱུང་ཟླ་བ་གཉིས་སམ་གསུམ་ཁོངས་སུ་བསྙེན་ཚད་འབུམ་ཕྲག་ཉི་ཤུ་རྩ་གཉིས།
༈ སེང་གདོང་ཟླ་བ་གཉིས་སམ་གསུམ་ཁོངས་སུ་རྩ་སྔགས་སེདྷ་མུ་ཁ་འབུམ་ཕྲག་བཅུ་གཉིས་དང་། སྒྲུབ་སྔགས་ཨཿཀཿསཿམཿའབུམ་ཕྲག་བཅོ་ལྔ།
༈ ཡང་གསང་བླ་སྒྲུབ་ཟླ་བ་གཅིག་དང་ཕྱེད་ཀའི་ཁོངས་སུ་རྩ་སྔགས་མ་ཧཱ་གུ་རུ་འབུམ་ཕྲག་བཅུ་གསུམ།
༈ རྡོར་སེམས་མངོན་དགའ་ཟླ་བ་བཞི་ཙམ་ཁོངས་སུ་རྩ་སྔགས་གུ་རུ་བཛྲ་ས་ཏྭ་རང་གཞུང་ནང་འབུམ་ཕྲག་བཞིར་གསུངས་ཀྱང་འབྲུ་འབུམ་བཟླ་ན་ཁ་སྐོང་བཅས་འབུམ་ཕྲག་བཅུ་དྲུག་དང་ཡིག་བརྒྱ་འབུམ་གཅིག
༈ ཕུར་པ་བདུད་དཔུང་ཟིལ་གནོན་ལ་གྲངས་ཚད་ཐ་མའི་དབང་དུ་ན་ཟླ་བ་གཅིག་དང་ཕྱེད་ཀྱི་ཁོངས་སུ་རྩ་སྔགས་ཁ་སྐོང་བཅས་འབུམ་ཕྲག་བཅུ་གཅིག་གམ། འབྲིང་གི་དབང་དུན་ལོ་གཅིག་ཙམ་ཁོངས་སུ་འབུམ་ཕྲག་བརྒྱ་དང་བཅུ།
༈ རྒྱུད་ལུགས་ཕུར་པ་ལ་ཟླ་བ་དྲུག་གམ་བདུན་ཙམ་ཁོངས་སུ་བསྙེན་སྔགས་འབྲུ་དགུ་པ་འབུམ་ཕྲག་བཅུ། ཉེ་བསྙེན་འབྲུ་བཅུ་བཞི་པ་འབུམ་ཕྲག་བཅུ་དྲུག སྒྲུབ་སྔགས་འབྲུ་བཅུ་བདུན་པ་འབུམ་ཕྲག་གཅིག ལས་སྦྱོར་བཞི་སྙིང་གཅིག་དྲིལ་སུམ་ཁྲི་ལྔ་སྟོང་།
༈ ཞི་ཁྲོ་ངན་སོང་སྦྱོང་བ་ལ་ཕལ་ཆེར་ལོ་གསུམ་མམ་བཞི་ཙམ་ཁོངས་སུ་བདག་བསྐྱེད་ལ་ཞི་བསྙེན་བོ་དྷིཙིཏྟ་འབུམ་བཅུ་དྲུག ཁྲོ་བསྙེན་རུ་ལུ་འབུམ་ཕྲག་སུམ་བརྒྱ། མདུན་བསྐྱེད་ལ་ཡིག་བརྒྱ་འབུམ་ཕྲག་གཅིག ལས་སྦྱོར་རྩ་རིག་འབུམ་ཕྲག་གཅིག་བཅས་སྒྲུབ་པ་སོ་སོའི་རྩ་གཞུང་དང་བསྙེན་ཁྲིད་ནང་ནས་གསལ་བ་ལྟར་ཚུལ་ལྡན་བྱའོ། །
སྙིང་ཐིག་རྩ་གསུམ་རེ་རེ་རྐྱང་སྒྲུབ་བྱ་ན། བསྙེན་སྒྲུབ་ཁ་སྐོང་སྦྱིན་འསྲེག གོང་དུ་རང་རང་གི་རྗེས་ཆོག་དངོས་གྲུབ་བླང་ཚུལ་ནང་གསལ་བ་ལྟར་དང་། དེ་མིན་སྟབས་ཅིག་སྒྲུབ་པ་ཡིན་ཚེ་ཚང་མའི་མཇུག་ཏུ་རིག་འཛིན་ཞི་བའི་སྦྱིན་བསྲེག་ཡེ་ཤེས་མེ་ལྕེའམ། སྦྱིན་འསྲེག་ཆོ་ག་གང་རུང་གཅིག་གིས་ཆད་ལྷག་གསོས་པས་ཆོག
དེ་ལྟར་བསྙེན་མཚམས་ནང་འདུག་སྐབས། བཅད་རྒྱ་དམ་པོ་མ་བྱས་ན་མཚམས་ནང་དུ་གཡེལ་ཞུད་ཀྱི་རྐྱེན་འབྱུང་ཉེན་ཆེ་བས་མཚམས་ལྷོད་པོ་མི་བྱ། བརྩོན་འགྲུས་ཀྱི་གདེང་ཡོད་ན་མ་གཏོགས་དང་པོའི་དུས་མཚམས་སྒྲུབ་ཡུན་རིང་པོའི་དམ་བཅའ་དུས་གཅིག་ལ་བྱས་ན་བརྩམས་ལྡོག་གིས་མགོ་ཉེས་དོགས་ཡོད་པས་དམ་བཅའ་རིམ་གྱིས་བསྲིང་།
བསྙེན་སྒྲུབ་འདིའི་རིང་ལ་འགལ་རྐྱེན་ཅི་བྱུང་ཡང་དེའི་དབང་དུ་མི་བཏང་སྙམ་ནས་སྒྲུབ་པ་མཐར་སྐྱེལ་གྱི་ཞེ་བཅད་དྲག་པོ་དང་སྙིང་སྟོབས་རླབས་པོ་ཆེ་སྐྱེད་དེ་བསྡད་ན་བསྙེན་པ་མཐར་ཕྱིན་པའི་རྟེན་འབྲེལ་གྱི་གནད་ཤིན་ཏུ་ཆེ།
ལར་མཚམས་ཀྱི་ཐོག་མཐའ་ལྷོད་ཅིང་དབུས་དམ་པ་ནས་འབྲུའི་དབྱིབས་ལྟ་བུ་བྱ་གསུང་། བསྙེན་སྒྲུབ་ཀྱི་དམིགས་པ་མི་གསལ་བ་སོགས་ཀྱི་ཚེ་ཡང་ཧ་ཅང་གཅུར་བའི་སྙིང་རུས་ཕུར་བཙུགས་པ་མི་བྱ་ཞིང་། སྣང་ཞེན་ཇི་ལྟར་གསལ་བཏབ་པ་ལྟར་འཆར་བཏུབ་པ་སོགས་བྱུང་ཡང་ཧ་ཅང་བཙིར་བཟུང་མི་བྱ། དེ་དག་ལ་ཞུམ་པ་དང་མངོན་རློམ་ཡང་མ་ཞུགས་པར་ཐང་ལྷོད་རན་ལ་འཚམས་པ་གཞུའམ་བི་ཝཾ་གི་རྒྱུད་འདྲ་བ་བྱ་གསུངས།
མཚམས་གཅོད་བྱས་ནས་ཆས་ཀའི་གཏོང་ལེན་ཡང་བསྡམ་དགོས་ཏེ། ཅིས་ཀྱང་གཏོང་ལེན་དགོས་པ་བྱུང་ན་སྲུང་འཁོར་དྲག་ཏུ་སྒོམ་པ་གལ་ཆེ། དེའང་སང་ཙམ་ཡོང་རྒྱུའི་དེ་རིང་ནས་ཤེས་པ་འཚུབས་ཤིང་ཉོག་པ་གཉིད་ཡུར་བ་སོགས་བྱུང་ན་དེའི་འགྲུལ་སྣ་ཡིན་པས་སྲུང་འཁོར་དྲག་ཏུ་སྒོམ། སྔོན་ལ་མ་བྱུང་བར་རྟིང་ལ་བྱུང་ན་སྒྲིབ་ལྷོང་ཡིན་པས་ཡིག་བརྒྱ་མང་དུ་བཟླ། རྫས་དེ་དག་ཀྱང་སྒྲུབ་ཏུ་རུང་ན་ཞག་མ་ལོན་པར་ལོངས་མི་སྤྱོད།
ཐུན་ཇི་ལྟར་ཐུང་ཡང་ཡིག་འབྲུ་བཅོ་ལྔ་ཚུན་གྱི་ལྡབ་གྲངས་སྟོང་མ་སོང་བ་དང་། ཐུན་མཚམས་ཇི་ལྟར་རིང་ཡང་ཐུན་གྱི་བཞི་ཆའི་ཚོད་ལས་ལྷག་པ་མི་བྱ་ཞེས་གསུང་། དམ་ཚིག་ཉམས་པའི་མི་དང་ཁ་འཕྲོ་མི་བསྲེ། གདན་མི་སྤྲུགས། གནས་མལ་མི་སྤོ། མཚམས་ཁོང་ནས་གཞན་ལ་དབང་དང་བྱིན་རླབས་འདྲེ་བརྡུང་དང་སྲུང་ཆོས་བཤད་སོགས་མི་བྱེད།
ལྷ་སྔགས་དང་སྒྲུབ་རྫས་གྲུབ་རྟགས་སོགས་གཞན་ལ་མི་སྨྲ། ནང་དུ་འཐབ་འཁོན་རིགས་མི་བྱ། འཐབ་འཁོན་ཤོར་ན་བསྐང་བཤགས་བྱ། གྲིབ་ལ་འཇོམ། སྐྲ་སེན་དང་སྨ་ར་མི་འབྲེག སྔགས་བཟླས་པའི་མཆིལ་སྣབས་ས་ལ་མི་འདོར། མེ་ལ་ཕུ་མི་བྱ། མཚོན་རྩེ་ཁར་མི་འཇུག ཁ་ལག་དང་། ཕོར་པ་མི་བཀྲུ། ཁྱི་ལ་ཟན་འཕྲོ་མི་སྟེར། ཕོར་སྡེར་ཁ་ཆག་ཏུ་མི་སྤྱོད། ཁྱི་དང་ཡུག་ས་མཛེ་བོ་དམེ་ཅན་དམ་ཉམས་གདོན་ཅན་རིགས་སྒྲུབ་ཁང་ནང་དང་ཐོག་སྟེང་དུ་མི་གཏོང་།
ཤོར་ན་བསང་ཁྲུས་བྱ། དེ་དག་གི་ལག་ནས་བྱུང་བའི་བཟའ་བཏུང་ལའང་མི་སྤྱད། སྤྱད་ན་གཟུངས་ཆུས་ཁ་བཀྲུ། རང་གི་མལ་སྟན་ལ་གཞན་མི་འཇོག བཞག་ན་བསང་ཁྲུས་བྱ། རང་གི་གྲིབ་མ་གཞན་གྱིས་མི་འགོམ། སྒྲུབ་པ་མ་ཐོན་བར་གཞན་གྱི་གོས་མི་གྱོན། གཞན་གྱིས་ཚུར་མཐོང་ན་མཚམས་རལ་བ་དང་། ཕར་མཐོང་ན་བུག་པ་ཡིན་པས་དེ་དག་སྤང་།
གན་རྐྱལ་དུ་ཉལ་ནས་ཕྲེང་བ་བྲང་ལ་བཞག་སྟེ་བཟླས་པ་དང་། གནས་གཞན་དང་གཞན་དུ་བཟླས་པ་དང་། ཐུན་ཚད་སྒྲིགས་ལ་མ་ཕབ་པར་བཟླས་པ་དང་། རྨི་ལྟས་ངན་པ་ཞི་བ་སོགས་ཀྱི་ཆེད་དུ་བཟླས་པ་དང་། ཐུན་མཚམས་སུ་བཟླས་པ་དང་།སེམས་གཡེང་བཞིན་དུ་བཟླས་པ་རྣམས་ཀྱིས་བསྙེན་པའི་གོ་མི་ཆོད་གསུང་།
གཞན་ཡང་སྔགས་བཟླས་པའི་ཚེ་སྒྲ་ཧ་ཅང་ཆེ་བ། ཆུང་བ། མགྱོགས་པ། བུལ་བ་སོགས་མི་རུང་ཞིང་། མི་གཏམ་ཤོར་ན་ཕྲེང་རྡོག་བཞི། གློ་ལུ་ན་ལྔ། གླལ་ན་གསུམ། སྦྲིད་པ་བྱུང་ན་བཅུ། མཆིལ་མ་དོར་ན་གཅིག་རྣམས་གྲངས་སུ་མི་བརྩི་བར་སླར་བལྡབ་དགོས་པར་གསུང་།
ཐུན་མཚམས་ཐམས་ཅད་དུའང་ལྕེ་མཆུ་མི་སྡོད་པར་བཟླས་པ་ལ་འབད་ན་བསྙེན་པའི་གྲངས་སུ་བརྩིར་མི་རུང་ཡང་སྔགས་ལ་ནུས་པ་སྐྱེ་ཞིང་། བར་ཆད་སེལ་བ། སྒྲིབ་པ་བྱང་བ། སྔགས་ཀྱི་ལྷག་ཆད་སྐོང་བ། ལྷའི་ཐུགས་རྒྱུད་འཁུལ་བ་སོགས་ཕན་ཡོན་མང་ཞེས་གསུངས་སོ། །
གཞན་ཡང་བླ་མ་དགོངས་པ་འདུས་པའི་འཛབ་དགོངས་དམིགས་པའི་འཕྲུལ་འཁོར་ཚངས་པའི་ང་རོ། བསྐྱེད་རིམ་ཉིན་མཚན་ཚོགས་དྲུག་ལམ་ཁྱེར་ལ་སོགས་པ་རྣམས་ཀྱི་དགོངས་པ་ཇི་བཞིན་བླངས་ཤིང་ཚེ་འདིའམ་ཕྱི་མ་བར་དོ་གསུམ་དུ་རིག་འཛིན་བཞིའི་ས་ལ་བགྲོད་ནུས་པ་བགྱི་ཞེས་པ་འདིའང་དེང་གི་དུས་སུ་ཀློང་ཆེན་སྙིང་ཐིག་གི་རྩ་གསུམ་གྱི་བསྙེན་སྒྲུབ་རྡོ་གྲུབ་ཆེན་གོང་མ་ནས་རིམ་པར་བརྒྱུད་པའི་ཕྱག་བཞེས་དྲི་མ་མེད་པ་རང་རྐང་ཚུགས་པ་བྱེད་འདོད་ཀྱི་སྒྲུབ་མཆོག་རྣམས་ཀྱིས་ནན་ཆེར་བསྐུལ་བ་བྱུང་བ་དག་ཐོས་བསམ་ལ་སྦྱངས་པ་དམན་པའི་བློ་གསར་རྣམས་ཀྱི་ཆེད་དུ་དམིགས་ནས། ཚིག་ཚོགས་ཀྱི་སྤྲོས་པ་དོར་ཏེ་ཉུང་ངུའི་ཚིག་གིས་རང་བཟོའི་དྲི་མས་མ་བསླད་པར་དམ་པ་གོང་མ་རྣམས་ཀྱི་ཕྱག་བཞེས་མཐོང་བརྒྱུད་ལྟར་རྡོ་གྲུབ་བཞི་པས་བྲིས་པ་ལགས་ན།
འདི་ཡིས་ཕྱོགས་དུས་ཀུན་ཏུ་འཕེལ་བའི་རྒྱུར་གྱུར་ཅིག དགེའོ།། །།
