Yumka Aspiration—Tibetan

༄༅། །ཡུམ་ཀའི་སྨོན་ལམ།

ཇི་ལྟར་ལྷ་མོ་ཁྱོད་ཉིད་དང་། །

བདག་ནི་རབ་ཏུ་མཉམ་སྦྱར་ཕྱིར། །

འཇིག་རྟེན་འདི་ཡི་འོག་ཏུ་ཡང་། །

མཁའ་འགྲོ་མ་ཡི་གཟུགས་ཅན་དུ། །

བདག་ཉིད་འབྱུང་ཞིང་འགྱུར་བར་ཤོག །

བདེ་ཞིང་བདེ་བར་བརྟན་པ་དང་། །

བདེ་བ་ཆེན་པོར་བདག་འགྱུར་ཤོག །

འཆི་ཚེ་དཔའ་བོ་རྣལ་འབྱོར་མ་རྣམས་ཀྱིས། །

མེ་ཏོག་ཕྲེང་དང་རྒྱལ་མཚན་གདུགས་ཐོགས་ཤིང་། །

གླུ་དབྱངས་རོལ་མོའི་སྤྲིན་གྱིས་མདུན་བསུས་ཏེ། །

མཁའ་ལ་སྤྱོད་པའི་གྲོང་དུ་ཁྲིད་པར་ཤོག །

སྣང་ཆ་བདེ་ཆེན་གར་དབང་ཧེ་རུ་ཀ །

སྟོང་ཆ་རྣམ་ཀུན་མཆོག་ལྡན་ཕག་མོ་ཡུམ། །

ཟུང་འཇུག་དབྱེར་མི་ཕྱེད་པའི་བདེན་པ་དེས། །

དོན་གཉིས་འདོད་པ་ཡོངས་སུ་རྫོགས་གྱུར་ཅིག། །།