Machik Labdrön Prayer—Tibetan

༄༅། །མ་ཅིག་ལབ་སྒྲོན་གྱི་གསོལ་འདེབས།

མཁྱེན་པ་གསུམ་གྱི་གནས་ལུགས་གཏན་ལ་འབེབས། །

སྦྱོར་བ་བཞི་ཡི་ཉམས་ལེན་གནད་ལ་འཇུག །

མཐར་ཐུག་འབྲས་བུ་ཆོས་སྐུར་ལེགས་སྦྱོར་བའི། །

དུས་གསུམ་རྒྱལ་བའི་ཡུམ་ལ་གསོལ་བ་འདེབས། །

ཞེན་མེད་ཆོས་སྐུ་ཡུམ་དོན་ཟབ་མོའི་དབྱིངས། །

མངོན་རྟོགས་ཡེ་ཤེས་ཕྱག་རྒྱར་ལེགས་སྦྱོར་བའི། །

རྣམ་རོལ་གདུལ་བྱའི་སྣང་ངོར་ཁྲོས་པའི་ཚུལ། །

རྗེ་བཙུན་ཁྲོས་མ་ནག་མོའི་ཐུགས་རྗེས་གཟིགས། །

འགྲོ་བའི་དོན་མཛད་སྤྲུལ་པའི་རྣམ་རོལ་གར། །

རྒྱ་གར་ཡུལ་དུ་པཎ་ཆེན་སྨོན་ལམ་གྲུབ། །

བོད་ཡུལ་འགྲོ་ངོར་མི་མོའི་ཚུལ་བསྟན་པ། །

ཨ་མ་ལབ་ཀྱི་སྒྲོན་མས་བྱིན་གྱིས་རློབས། །

དཔལ་སྤྲུལ་མིང་པས་སྨྲས་སོ།། །།