བླ་མ་དྲག་པོ་རྟ་ཁྱུང་འབར་བའི་བྱིན་རླབས་ཀྱི་ཆོ་ག་རྡོ་རྗེའི་དོ་ཤལ།
༄༅། །ཀློང་ཆེན་སྙིང་གི་ཐིག་ལེ་ལས། བླ་མ་དྲག་པོ་རྟ་ཁྱུང་འབར་བའི་བྱིན་རླབས་ཀྱི་ཆོ་ག་རྡོ་རྗེའི་དོ་ཤལ།
ཀུན་མཁྱེན་ཡེ་ཤེས་ཕུང་པོ་ཅན། །
སྲིད་པའི་འཁོར་ལོ་རྣམ་སྦྱོང་བ། །
དེ་རིང་བཤད་པའི་རིན་ཆེན་གཏེར། །
གཙོ་བོས་བདག་ལ་བཀའ་དྲིན་སྩོལ། །
ན་མོ༔ བདག་དང་མཐའ་ཡས་སེམས་ཅན་ཀུན༔
མཆོག་གསུམ་ངོ་བོ་བླ་མ་དང་༔
དྲག་པོ་རྟ་ཁྱུང་དཀྱིལ་འཁོར་ལ༔
སྙིང་ནས་དད་པས་སྐྱབས་སུ་མཆི༔
ཧོཿ དྲག་པོའི་དཀྱིལ་འཁོར་འདིར་ཞུགས་ནས༔
ཕ་མ་འགྲོ་དྲུག་སེམས་ཅན་ཀུན༔
ཚད་མེད་སྙིང་རྗེས་སྒྲོལ་བའི་ཕྱིར༔
སྨོན་འཇུག་དོན་དམ་བྱང་སེམས་བསྐྱེད༔
དཀོན་མཆོག་གསུམ་ལ་བདག་སྐྱབས་མཆི༔
སྡིག་པ་མི་དགེ་སོ་སོར་བཤགས༔
འགྲོ་བའི་དགེ་ལ་རྗེས་ཡི་རང༔
སངས་རྒྱས་བྱང་ཆུབ་ཡིད་ཀྱིས་གཟུང༔
སངས་རྒྱས་ཆོས་དང་ཚོགས་མཆོག་ལ༔
བྱང་ཆུབ་བར་དུ་སྐྱབས་སུ་མཆི༔
རང་གཞན་དོན་གཉིས་རབ་བསྒྲུབ་ཕྱིར༔
བྱང་ཆུབ་སེམས་ནི་བསྐྱེད་པར་བགྱི༔
བྱང་ཆུབ་མཆོག་གི་སེམས་ནི་བསྐྱེད་བགྱིས་ནས༔
སེམས་ཅན་ཐམས་ཅད་བདག་གིས་མགྲོན་དུ་གཉེར༔
བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི༔
འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག༔
ཨོཾ་ཨཱཿཧཱུྃ་མ་ཧཱ་གུ་རུ་ཨརྩིག་ནིརྩིག་ཧྲཱིཿཧཱུྃ་ཁྲོཾ་ཕཊཿ
གཙོ་བོས་ཇི་ལྟར་བཀའ་བསྩལ་པ། །
དེ་དག་ཐམས་ཅད་བདག་གིས་བགྱི། །
ཁྱེད་ལ་བདག་ཀྱང་ཡོངས་སུ་འབུལ། །
སློབ་མར་བཟུང་ནས་སྤྱད་དུ་གསོལ། །
