Acrostic Song—Tibetan
Literary Genres › Songs and Poems | Literary Genres › Acrostic | Literary Genres › Advice | བོད་ཀྱི་བླ་མ། › འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།
English | Deutsch | Français | བོད་ཡིག
འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས།
Photographer unknown
Further information:
༄༅། །ཀ་རྩོམ་མགུར་མ།
ཀ་ཡེ་རྣལ་འབྱོར་ཕོ་མོ། །
ཁ་རོག་མ་འདུག་ཆོས་སྤྱོད། །
ག་ལེར་སོས་དལ་སྡོད་པ། །
ང་དང་ང་འདྲ་མ་བྱེད། །
ཅ་ཅོའི་གཡེང་བ་སྤངས་ནས། །
ཆ་ལུགས་ཇི་ལྟར་བྱས་ཀྱང་། །
ཇ་ཆང་ཟས་ལ་མ་སྲེད། །
ཉ་མ་བཞིན་དུ་མ་འཁྱམས། །
ཏ་ཐཱ་ག་ཏའི་བསྟན་པ། །
ཐ་དད་མ་ཡིན་གཅིག་ཤེས། །
ད་ལྟ་མཇལ་བ་སྐལ་བཟང་། །
ན་མར་ཆོས་ལ་སྤྱོད་ནས། །
པ་རེ་པུ་རེའི་སྤྱོད་པ། །
ཕ་རོལ་མ་དད་རྒྱུར་འགྱུར། །
བ་ལང་བཞིན་དུ་མ་ཉལ། །
མ་ལྟར་ཀུན་ལ་བྱམས་ཤིང་། །
ཙ་མ་ར་ལྟར་ཡིད་འོང་། །
ཚ་གྲང་སྡུག་བསྔལ་ཁྱད་གསོད། །
ཛ་ཧུའི་རྒྱུན་བཞིན་རྟག་པར། །
ཝ་བཞིན་དབེན་རིར་སྡོད་ནས། །
ཞྭ་ལྟར་བླ་མ་སྤྱིར་སྒོམ། །
ཟ་མ་ཙམ་ལ་མ་བརྗེད། །
འ་འུར་ཆལ་ཆོལ་མེད་ཀྱང་། །
ཡ་རབས་སྤྱོད་པས་དུས་འདའ། །
ར་མ་ཎ་ལྟར་བརྟན་པོས། །
ལ་ལ་ཙམ་མིན་མི་ཚེ། །
ཤ་བ་ལྟ་བུ་བརྒྱུད་ནས། །
ས་བཅུའི་ཕ་མཐར་ཕྱིན་མཛོད། །
ཧ་ཧི་བཞད་པའི་ང་རོ། །
ཨ་དོན་སྐྱེ་མེད་རྟོགས་ནས། །
འཁོར་བ་དོང་སྤྲུགས་གྱུར་ཅིག །
ཅེས་པའང་ཆོས་ཀྱི་བློ་གྲོས་པས་སོ།། ། །
