Calling the Guru from Afar—Tibetan

༄༅། །བླ་མ་རྒྱང་འབོད་ཐུགས་རྗེའི་ལྕགས་ཀྱུ།

བླ་མ་མཁྱེན་ནོ།  །

ལན་གསུམ།

སངས་རྒྱས་ཀུན་འདུས་ཀྱི་ངོ་བོ།  །

ལུང་རྟོགས་དམ་ཆོས་ཀྱི་མཛོད་ཆེན།  །

འཕགས་པའི་དགེ་འདུན་གྱི་མངའ་བདག   །

རྩ་བའི་བླ་མ་དེ་མཁྱེན་ནོ།  །

བདག་རྒྱུད་ཆོས་དང་འདྲེས་པར་བྱིན་གྱིས་རང་རློབས་ཤིག  །

མ་རིག་མུན་པ་སེལ་བའི་ཉི་མ།  །

དགོས་འདོད་ཅི་དགར་འབྱུང་བའི་ནོར་བུ།  །

འཁོར་བའི་རྒྱ་མཚོར་སྒྲོལ་བའི་དེད་དཔོན།  །

རྩ་བའི་བླ་མ་དེ་མཁྱེན་ནོ།  །

བདག་རྒྱུད་ཆོས་དང་འདྲེས་པར་བྱིན་གྱིས་རང་རློབས་ཤིག  །

སྐྱབས་ཀུན་འདུས་པ་རྩ་གསུམ་གྱི་རྒྱལ་པོ།  །

དྲན་པ་ཙམ་གྱི་སྲིད་ཞི་ཡི་གདུང་སེལ།  །

བཀའ་བབས་བདུན་གྱི་གསང་མཛོད་ལ་དབང་བསྒྱུར།  །

འོད་གསལ་སྤྲུལ་པའི་བཤེས་གཉེན་དེ་མཁྱེན་ནོ།  །

བདག་རྒྱུད་ཆོས་དང་འདྲེས་པར་བྱིན་གྱིས་རང་རློབས་ཤིག  །

རྒྱལ་ཀུན་མཁྱེན་རབ་མ་ལུས་པ་གཅིག་བསྡུས།  །

སྤྲུལ་པའི་ལོ་ཙཱ་རྣམ་པར་སྣང་མཛད་ཀྱི་ངོ་བོ།  །

མཛོད་ལྔའི་ཤིང་རྟ་གངས་ཅན་འགྲོ་བ་ཡི་མགོན་པོ།  །

པདྨ་གར་དབང་བློ་གྲོས་མཐའ་ཡས་དེ་མཁྱེན་ནོ།  །

བདག་རྒྱུད་ཆོས་དང་འདྲེས་པར་བྱིན་གྱིས་རང་རློབས་ཤིག  །

གཞན་ཕན་ཐུགས་བསྐྱེད་ཀྱི་གོ་ཆ།  །

རྒྱལ་སྲས་བྱང་སེམས་ཀྱི་ཚུལ་བཟུང་།  །

མདོ་སྔགས་ཆོས་ཚུལ་གྱི་བང་མཛོད།  །

འཇམ་དབྱངས་ཆོས་ཀྱི་བློ་གྲོས་དེ་མཁྱེན་ནོ།  །

བདག་རྒྱུད་ཆོས་དང་འདྲེས་པར་བྱིན་གྱིས་རང་རློབས་ཤིག  །

གནས་འཁོར་ལོ་བཞི་པའི་ཕོ་བྲང་ན།  །

བླ་མ་སྐུ་བཞིའི་ལྷ་ཚོགས་དེ་མཁྱེན་ནོ།  །

བུམ་གསང་ཤེར་ཡེའི་དབང་མཆོག་དེ་བསྐུར་ནས།  །

སྐུ་བཞིའི་གོ་འཕང་ཐོབ་པ་བྱིན་གྱིས་རང་རློབས་ཤིག  །

མདོར་ན་བྱང་ཆུབ་སྙིང་པོའི་བར་དུ།  །

རྩ་བའི་བླ་མ་རིན་པོ་ཆེ་ལ།  །

རྟག་ཏུ་རྩེ་གཅིག་གསོལ་བ་འདེབས་ན།  །

འབད་མེད་མཆོག་ཐུན་དངོས་གྲུབ་སྩོལ་ཅིག  །

ཅེས་པའང་འཇམ་དབྱངས་ཆོས་ཀྱི་བློ་གྲོས་པས་བྲིས་བ་དགེ།  །།