Prayer to Khyentse, Kongtrul and Chokling—Tibetan

༄༅། །མཁྱེན་ཀོང་མཆོག་གསུམ་གྱི་གསོལ་འདེབས།

བཻ་རོ་དངོས་སྣང་ཡོན་ཏན་རྒྱ་མཚོའི་གཏེར། །

རྒྱལ་བས་ལུང་བསྟན་བློ་གྲོས་མཐའ་ཡས་ཞབས། །

པདྨས་རྗེས་བཟུང་གར་དབང་འགྲོ་འདུལ་རྩལ། །

བསྟན་གཉིས་གླིང་པའི་ཞབས་ལ་གསོལ་བ་འདེབས། །

ལྷ་སྲས་རྣམ་འཕྲུལ་ཨོ་རྒྱན་རྒྱལ་ཚབ་ཆེ། །

སྤྲུལ་པའི་གཏེར་ཆེན་ཡོངས་ཀྱི་འཁོར་ལོས་སྒྱུར། །

གྲུབ་པ་མཆོག་གི་ཡེ་ཤེས་མངོན་དུ་གྱུར། །

བདེ་ཆེན་གླིང་པའི་ཞབས་ལ་གསོལ་བ་འདེབས། །

ཆོས་རྒྱལ་རྣམ་འཕྲུལ་བི་མས་བྱིན་གྱིས་བརླབས། །

ཟབ་རྒྱས་བཀའ་བབས་དུ་མའི་ཤིང་རྟ་ཆེ། །

འཇམ་དཔལ་དབྱངས་དངོས་མཁྱེན་བརྩེ་ནུས་པའི་གཏེར། །

མདོ་སྔགས་གླིང་པའི་ཞབས་ལ་གསོལ་བ་འདེབས། །

ཞེས་པའང་འཇམ་མགོན་རྡོ་རྗེ་འཆང་བློ་གྲོས་མཐའ་ཡས་པའི་སྡེས་བཀའ་གནང་ཞིང་། མོས་ལྡན་དུ་མས་ཀྱང་བསྐུལ་བས་མཚམས་སྦྱར་ཏེ་བྱ་བྲལ་བ་ཆོས་རྗེ་འཇམ་དབྱངས་མཁྱེན་བརྩེའི་དབང་པོ་བྲིས་པ་དགེ །