Confession and Fulfilment Insert—Tibetan

Tsok | Tibetan Mastersའཇིགས་མེད་གླིང་པ།

English | བོད་ཡིག

འཇིགས་མེད་གླིང་པ།

འཇིགས་མེད་གླིང་པ།

Further Information:
Download this text:

༄༅། །མཁའ་འགྲོ་བསུན་བཟློག་གི་གྲངས་གསོག་སྐོང་བཤགས་ཀྱི་འཛུད།

གངས་ཅན་མཚོ་ཡི་ཞིང་ཁམས་ལ། །

ཇི་སྙེད་བཀོད་པའི་གནས་ཡུལ་དང༌། །

དཔའ་བོ་མཁའ་འགྲོའི་གྲོང་ཁྱེར་ནས། །

རྡོ་རྗེ་རིན་ཆེན་པདྨ་ལས། །

འབུམ་ཕྲག་ཡངས་པའི་མཁའ་འགྲོའི་ཚོགས། །

འདིར་བྱོན་ཉེར་སྤྱོད་འདོད་ཡོན་དང༌། །

ཚོགས་ཀྱི་འཁོར་ལོས་ཐུགས་དམ་བསྐང༌། །

ཐེག་པ་གསུམ་དང་རིག་འཛིན་གྱི། །

སྡོམ་གསུམ་དམ་ཚིག་ཉམས་ཆག་བཤགས། །

བསྟན་པ་རྒྱ་མཚོ་སྒྲོན་མེ་ཆེ། །

སེམས་ཅན་ཡོངས་ཀྱི་དཔུང་དང་གཉེན། །

འདི་ན་བཞུགས་པའི་སྐྱེས་མཆོག་གི། །

ཚེ་འཕྲང་བར་ཆད་དབྱིངས་སུ་སོལ། །

དཔའ་བོ་མཁའ་འགྲོའི་སུན་ཁ་བཟློག །

ཞབས་པད་བརྟན་པའི་བཀྲ་ཤིས་སྩོལ། །

འདི་བསུན་ཟློག་རྒྱས་པ་ཚོགས་བརྒྱ་དང་འབྲེལ་སྐབས་ཡུམ་ཀའི་ཚོགས་ཀྱི་སྐོང་བཤགས་མལ་དུ་འཛུད་པ་ལག་ལེན་ནོ།། །།