Prayer of the Feast Gathering—Tibetan

༄༅། །ཚོགས་བསྡུས་ནི།

རྂ་ཡྂ་ཁྂ༔ ཨོཾ་ཨཱཿཧཱུྂ༔

ཚོགས་རྫས་འདོད་ཡོན་ཡེ་ཤེས་རོལ་པའི་རྒྱན༔

ཚོགས་རྗེ་ཚོགས་བདག་རིག་འཛིན་བླ་མ་དང༌༔

གདན་གསུམ་དཀྱིལ་འཁོར་གནས་ཡུལ་ཉེར་བཞིའི་བདག༔

དཔའ་བོ་མཁའ་འགྲོ་དམ་ཅན་ཆོས་སྲུང་རྣམས༔

འདིར་གཤེགས་ལོངས་སྤྱོད་ཚོགས་ཀྱི་མཆོད་པ་བཞེས༔

འགལ་འཁྲུལ་ནོངས་དང་དམ་ཚིག་ཉམས་ཆག་བཤགས༔

ཕྱི་ནང་བར་ཆད་ཆོས་ཀྱི་དབྱིངས་སུ་སྒྲོལ༔

ལྷག་གཏོར་བཞེས་ལ་ཕྲིན་ལས་འགྲུབ་པར་མཛོད༔

ཨོཾ་གུ་རུ་དེ་ཝ་ཌཱཀྐི་ཎཱི་ག་ཎ་ཙ་ཀྲ་པཱུ་ཛཱ་ཧོཿཨུཙྪིཥྚ་བ་ལིངྟ་ཁཱ་ཧི།

ཅེས་པ་འདིའང་རྒྱལ་བའི་མྱུ་གུ་འཇིགས་མེད་གླིང་པས་སོ། །