Prayer to the Lion of Speech—Tibetan

Mañjuśrī | Tibetan MastersKarma Chakme

English | བོད་ཡིག

Karma Chakme

Mañjuśrī, the Lion of Speech

Further Information:

༄༅། །སྨྲ་སེང་གསོལ་འདེབས་བཞུགས། །

ན་མོ་ལོ་ཀི་ཤྭ་ར་ཡེ།

དུས་གསུམ་སངས་རྒྱས་ཐམས་ཅད་ཀྱི། །

གསུང་གི་བདག་ཉིད་བཅོམ་ལྡན་འདས། །

པདྨའི་རིགས་ཀྱི་བདག་པོ་སྟེ། །

གསུང་གི་རྡོ་རྗེ་ཞེས་ཀྱང་བྱ། །

འོད་དཔག་མེད་ལ་གསོལ་བ་འདེབས། །

 

དེ་དང་ངོ་བོ་དབྱེར་མེད་པའི། །

སྲས་ཀྱི་ཐུ་བོའི་ཚུལ་བཟུང་བ། །

བྱང་ཆུབ་སེམས་དཔའ་སེམས་དཔའ་ཆེ། །

འཇམ་དཔལ་དམར་པོ་རལ་གྲི་འཛིན། །

སྨྲ་བའི་སེང་གེར་གསོལ་བ་འདེབས། །

 

ཤེས་རབ་ཡུམ་གྱི་ཚུལ་བཟུང་བ། །

དུས་གསུམ་སངས་རྒྱས་ཐམས་ཅད་ཀྱི། །

གསུང་གི་ལྷ་མོ་དབྱངས་ཅན་མ། །

གང་གའི་ལྷ་མོ་ཞེས་ཀྱང་བྱ། །

ངག་གི་ལྷ་མོར་གསོལ་བ་འདེབས། །

 

གསོལ་བ་བཏབ་པའི་བྱིན་རླབས་ཀྱིས། །

བདག་དང་བདག་གི་རྗེས་འཇུག་དང་། །

མཐོང་ཐོས་དྲན་རེག་འགྲོ་བ་ཀུན། །

མི་ཤེས་མུན་པ་རབ་བསལ་ནས། །

ཤེས་རབ་རྩ་ཁ་བྱེ་བར་ཤོག །

 

སྐྱེ་བ་འདི་ནས་ཚེ་རབས་ཀུན། །

ཤེས་རབ་འཆལ་བར་མི་འབྱུང་ཞིང་། །

ཤེས་རབ་ཕུན་སུམ་ཚོགས་པར་ཤོག །

རྒྱལ་བའི་གསུང་རབ་རྒྱ་མཚོ་ལ། །

མི་བརྗེད་གཟུངས་ཀྱང་ཐོབ་པར་ཤོག །

 

ཆོས་ཉིད་རྣམ་པར་དག་པ་དང་། །

རྟེན་འབྲེལ་བསླུ་བ་མེད་པ་དང་། །

འཇམ་དཔལ་ཡབ་ཡུམ་ཐུགས་རྗེ་ཡིས། །

སྨོན་ལམ་བཏབ་བཞིན་འགྲུབ་པར་ཤོག །

ཅེས་པ་འདིའང་མཁས་གྲུབ་རཱ་ག་ཨ་སྱས་ཉེར་མཁོའི་ཆེད་དུ་སྦྱར་བས་བསྟན་དང་འགྲོ་ལ་གནམ་སྐབས་ཕན་པ་དང་མཐར་ཐུག་བདེ་བའི་རྒྱུར་གྱུར་ཅིག །དགེའོ། །དགེའོ། །དགེའོ། །

 

• Download this text: EPUB MOBI PDF