Guru Yoga—Tibetan

Guru Yoga | Tibetan MastersTertön Sogyal

English | Deutsch | Español | Français | Italiano | བོད་ཡིག

Tertön Sogyal

Tertön Sogyal Lerab Lingpa

Further Information:
Download this text:

༄༅། །བླ་མའི་རྣལ་འབྱོར་བཞུགས།

 

ཧཱུྃ། རིག་པའི་རང་སྣང་འོག་མིན་ཞིང༌། །

གསང་མཆོག་བདེ་ཆེན་ཕོ་བྲང་དུ། །

རང་བྱུང་ངོ་མཚར་མཆོད་སྤྲིན་དབུས། །

དཔལ་ལྡན་བླ་མ་རྡོ་རྗེ་འཆང༌། །

རྣལ་འབྱོར་རོལ་པའི་ཆས་རྫོགས་ཤིང༌། །

དཔའ་བོ་མཁའ་འགྲོའི་སྤྲིན་འཕྲོ་བ། །

སྐུ་གསུམ་རིགས་འདུས་ངོ་བོར་གསལ། །

དམ་ཡེ་གཉིས་མེད་རྡོ་རྗེའི་སྐུ། །

རིག་པའི་ངང་དུ་མཇལ་ཕྱག་འཚལ། །

སྣང་སྲིད་གཞིར་བཞེངས་མཆོད་ཚོགས་འབུལ། །

གཉིས་འཛིན་ཀ་དག་ཀློང་དུ་བཤགས། །

ཡེ་གྲོལ་ཆེན་པོར་རྗེས་ཡི་རང༌། །

མངོན་སུམ་གདེང་ཐོབ་དབང་མཆོག་བསྐུར། །

རང་གྲོལ་དོན་སྟོན་ཆོས་འཁོར་བསྐོར། །

ཁྱབ་བརྡལ་རོ་མཉམ་བཞུགས་གསོལ་འདེབས། །

ཐུགས་ཡིད་དབྱེར་མེད་སངས་རྒྱས་ཤོག །

 

ཧཱུྃ་ཧཱུྃ། ཀུན་བཟང་པད་འབྱུང་ཁྲོ་བོ་ལོད། །

བདུད་འདུལ་གླིང་པ་བདུད་འཇོམས་རྩལ། །

བསྟན་པའི་ཉི་མ་ལས་གླིང་སོགས། །

སྙིང་ཐིག་དོན་བརྒྱུད་བླ་མ་ལ། །

གསོལ་བ་འདེབས་སོ་བྱིན་ཆེན་ཕོབས། །

གཉིས་སྣང་མཁའ་ལ་སྤྲིན་ལྟར་ཡལ། །

རང་རིག་བླ་མ་ཆོས་སྐུའི་ཞལ། །

ད་ལྟ་འདི་རུ་མངོན་དུ་གྱུར། །

རང་གནས་སྐུ་གསུམ་གཏན་སྲིད་ཟིན། །

རིག་རྩལ་ཕྲིན་ལས་རླབས་ཆེན་གྱིས། །

འགྲོ་ཁམས་ཡོངས་གྲོལ་བྱིན་གྱིས་རློབས། །

ཨོཾ་ཨཱཿམ་ཧཱ་གུ་རུ་བཛྲ་ཁྲོ་བོ་ལོད་སརྦ་ཛྙ་ན་ཙིཏྟ་སིདྡྷི་ཧཱུྃ་ཧཱུྃ།

 

ཞེས་བཟླ་གཏད་མེད་ངང་ལ་བཞག ཅེས་པའང་ལས་རབ་གླིང་པའི་གསུངས་པའོ་མཆན།